請問在港澳碼頭如何去浸會醫院?

方法一：
在 港澳碼頭巴士總站 乘 182 (車資 $16)
乘至 九龍塘 映月台站 (窩打老道浸會大學對面) 落車
落車後落斜路過對面馬路 (向浸會大學果邊果條馬路), 過馬路後向右邊行前少少就係浸會醫院 (步行約 3-5分鐘)

方法二：
乘港鐵由 上環 往 九龍塘 (車資 單程票 $10.5 八達通 $9.5)
九龍塘 A2 出口 出, 上地面後行前少少係窩打老道, 之後轉左, 行至近 耀中國際幼兒園 有紅綠燈, 先過對面馬路, 再過左邊 (聯合道) 條馬路, 過馬路後行前少少就係浸會醫院 (步行需時 10-15 分鐘)

方法一較貴, 但較直接, 唔洗轉車兼有位坐 (總站上車), 又唔洗行咁多
方法二較平, 但地鐵要轉幾次車, 九龍塘地鐵站行去浸會醫院較遠

首先在碼頭尋找地鐵站，然後乘搭地鐵在中環轉車，看見荃灣腺月台乘搭地鐵到旺角轉車，行過對面月台即時乘搭觀塘腺到九龍塘，出閘看指示牌詳細指引如何前往浸會醫院。

從港澳碼頭搭地下鐵到九龍塘站出口,A2行過去都可以啊,大約10-15分鐘左右啦,或者都係九龍塘站地下鐵站出口,B2出口,坐綠色專線小巴29A同29B都會到達啊,OK.希望以上資料能幫到你啦.

信德中心搭港鐵去九龍塘站，A2 出口搭專線小巴 29A 途經浸會醫院。