請專業人士指教下.....

我最近有做GYM . 但我好廋..得120磅..又想大隻D上半身..
唔做只做上身，一定要做埋對腳至靚架。


..不過食極都唔肥...食咩有幫助架?
梗係要食多點有營養的食物啦，這點是很明顯吧，但天生瘦的人如何提升營養吸收呢？有幾個要訣的：－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。
詳細均衡飲食資訊可參考衛生署的<食物金字塔>：http://2plus3.cheu.gov.hk/html/b5/index.asp?fname=index.aspx


或者有邊隻健身奶粉對我有幫助呢?
要練好身體，離不開三件事：1 運動，2 營養，3 休息。你要明白，健身奶粉只係營養，唔係萬能的，我建議你先試下響正餐落手，食多點野。其實坊間有隻普通奶粉叫 "加營素"，對增肥都好有幫助的， $1xx 不罐，唔太貴，一般人都適合。真係想食健身奶粉的話，我都有少少心得可以俾你的：1。健身奶粉分兩隻的。一隻係 whey，另一隻係 gainer；前者主要係蛋白質，無咁肥；後者同時包括了蛋白質和碳水化合物，更加肥 ，比較滯，適合瘦人。2。如果飲奶會肚瀉的，就要注意避免購買含 lactose (乳糖) 的健身奶粉了，因為健身奶粉中的 lactose 同樣會引起你肚瀉的。3。初初試的話，建議試下中價貨，不需要買貴野，亦唔可隔價隔得太盡，一般 $3xx 的貨式都 OK。再次提醒你，健身奶粉只係輔助性質，正餐才是吸收營養的最佳途徑，而且健身奶粉必須要配合運動才有效的，齋食只會肥不大隻。

順便同你分享一下我的的心得，因為我都係天生瘦仔，靠健身和營養增肌的：http://hk.knowledge.yahoo.com/question/question?qid=7008101900918