✔ 最佳答案
14 歲,唔需要咁快練肌肉住。不過,如果你只係想增強雙腿的話亦唔難,而且唔洗做 gym ,唔洗花錢,一樣可以:
跳繩:呢個係最簡單的,家裡跳繩唔需要著鞋了,免得嘈到樓下,不過都要舖塊墊 (運動用品店有,再唔係用小朋友的膠墊亦可),吸收震盪,避免腿部的傷害。
向上行樓梯:嚴格來講唔算係家裡,不過都係響大廈內做,唔洗出街。慢慢行就得,不需要跑的,最好隨身帶一枝水。
踏步:找一張穩固的矮凳,不停踏上踏落,不用夾,慢慢做,留意係<向前踏上,向後踏落>。以上三個係每星期三次,每次 30 分鐘或以上 (不是每樣都做三次,而是隨意配搭,三樣合計每星期三次就得),能夠增強腿部肌肉,而且增強心肺功能,一舉兩得。
想進一步強化肌肉,有以下選擇:<痞>低起身:好簡單,<痞>低後再起身,動作要慢,唔好急,能夠強化大腿和臀部肌肉及線條。
以上都係簡單的運動,又唔會好花時間,亦適合你的年齡,已經足夠令你健康和 fit,腿部有點肉了。