男友瞞著我跟ex見面, 我很不開心, 可以救救我嗎?

其實你應該開心至真，你男朋友咁單純，佢唔講你知，只係唔想呃你，但又唔知點同你直接講，先至唔講你知啫！
可能你男友宜家都好唔開心呢！佢都俾人利用咗佢嘅同情心，相信你男友對個ex都會好失望，點解你仲唔信佢，仲要耿耿於懷呢！
其實你經過哩件事，應該同你男友感情會更好至係，有咩事要坦誠相對，你都唔好好咁借哩件事加厚你哋嘅感情，仲要怪佢隱瞞你，咁你想點吖？唔通你想分手嗎？放鬆ｄ，你又唔係做咗ｄ對你唔住嘅嘢！咁樣只會令你辛苦啫！

妳應該放開D自己,唔好俾一樣野就纏繞住自己.同埋其實個女仔俾妳仲慘得多,妳都應該考慮下佢既感受.我覺得個男仔見返前度冇咩問題.

其實最重要係你男朋友對你係點,
兩個人開心就得,唔好俾其他事影響到你哋嘅關係

我身為一個男仔, 都好明白妳男朋友! 亦明白妳的心情......
我不是一個擅於表達自己的人 (不知道妳男朋友是唔是一個容易表達自己的人), 所以如果我這樣做, 背後一定有苦衷: "唔想現任女朋友擔心", 因為講左出黎, 佢真係可能會諗好多野...... 例如: "佢前女朋友係咪扮野呀?", "男朋友會點選擇呀?", "如果男朋友惹到麻煩, 我點幫佢呢?", 所以"唔想妳擔心"極可能係佢瞞你的原因......
其實我覺得佢被騙都已經好慘! "喂! 我一心一意黎幫妳, 妳欺騙我同情心", 我覺得佢都好心痛ga! 假設佢同佢ex都已經冇感情, 但聽到一個"朋友"話想死, 佢點都要去睇下啦下話...... 唔怕一萬至怕萬一, 如果佢朋友真係死左, 佢都好心傷嘛~
如果妳覺得佢瞞妳瞞得唔岩, 妳可以同佢傾傾, 想知佢瞞妳的動機, 就直接問問佢...... 如果出發點響妳身上, 妳真係唔好嬲了, 如果我係妳我仲覺得心甜添......
不過我從事件中可以睇得出佢係重感情的人, 攪清楚後就唔好生他的氣了, 否則佢一定為此事難過......

我覺得佢ex唔係咩精神病咁嚴重,
又你男朋友都應該係朋友心態去接佢,
聽你男朋友講佢有既精神病應該只係抑鬱,
抑鬱都係精神病一種,
不過好小事既jer..
香港地好多人因壓力都會有此病,
此病會令人情緒底落同想輕生!
如果係咁... 你男朋友真係盡朋友責任,
即使分左手既前度女朋友,
佢都只係怕佢ex因為佢至得此病而耐疚,
換轉係你ex, 你也會去探佢,
人心肉做嘛!
但你擔心都係正常,
果個係你男朋友同佢ex嘛..
你可以同你男友講,
你想通喇~~ 覺得佢ex有事佢都只不過盡朋友責任,
而你係佢現在女朋友, 你都有擔心之處,
如果可以既話一齊面對,
叫佢帶埋你去!
因為佢ex都有必要知道自己前度男友現在已經有女朋友!
唔再係單身!
咁樣對大家都好,
佢可以幫到佢ex, 你又在場唔駛白擔心!
對吧?!

2008-11-20 08:30:31 補充：
其實冇人知道係咪佢ex扮病想纏你男友.
唔排除有咁機會,
如果你lee刻只顧發佢脾氣,
只會被對方剩虛而入,
到不如大方d..
體諒你男朋友,
同你男朋友共同進退,
如果你男朋友對佢ex真秩只是朋友關係幫忙,
佢理應好樂意比你一齊去!

講真佢一面之詞話個女仔有精神病je~
有精神病屋企人無可能唔知,我屋企人經歷黎ge!
你真係中意佢,要同佢一齊就已經選擇信佢.
唯有check得佢緊d囉!
good luck^^

2008-11-21 00:36:31 補充：
佢ex咁都得!你依家一定要更加體諒你男朋友,
唔好為左呢d事發佢脾氣,因為果d人影響到自己同男朋友既感情好唔值得!
你男朋友總會知道你先係最好,至少唔會好似ex咁帶比佢不少煩惱.

你唔開心一定架喇^^睇開少少啦!
遲d慢慢再同男朋友傾返下無事架喇.
千奇唔好比佢ex有機會乘虛而入!