什麼是供股

50合1, 即是50股變成1股, 不過,你放心, 到時一股價錢會升番50倍嫁 !
公司上市目的,就是要籌錢 ( 集資 ),作擴充規模,做大做好;上了市之後,再加大規模,就再集資,但亦有因生意失敗者,等錢使,用黎還債,就猛印股票去搶錢o
資金需求少,則印小量股票售予投資客,稱為「批股」手續簡便o
若是大量集資, 則是售新股俾原有股東,佢地可按持股比例「供股」
無論「批股」與「供股」集資,都是加印股票,來年的營利及派息,都因多了股東的股票作攤分,即所謂「攤薄」;經濟環境向好時,股東們充滿美麗的夢想,期望公司集資造大,攪好生意,結果, 「集資」就成了好消息;:但若經濟環境轉壞時,公司集資擴大規模,則令人擔心,生意越做大,結果越差.甚或有些已失利的公司,「供股」用作還債,則更是壞消息了:所以, 供股與否是取決於大股東將會點樣用,將來公司會有前景嗎?絕對唔係計佢是否便宜、抵買o
有一些呃呃騙騙既小型公司,一年賺到果一千幾佰萬,但是都唔夠出糧俾班董事自己人,仲話年年蝕本,年年供股集資,買左佢就陰功啦!你要研究下值唔值得陪佢死!有時,供完股冇幾耐,就可以跌破供股價,賴左屎敢樣, 其實,最好有禁快得禁快,唔好問價錢「止蝕」吧 !
我初學買股票時侯,往往喜歡揾 D 由高位跌到殘既細價股,大佬呀,十幾蚊跌到得番一蚊幾亳,跌左＋倍,要佢升番倍零兩倍唔難呱,點知,個天都唔幫我-------------o
舊時李嘉誠隻長江上市果陣唔係細價股咩,匯豐呢咪又係,;
;喂! 老友,萬中無一喎,而,且佢地同是D 叻人攪既生意,可知一個醒既人,可以將一間殘廢左既公司攪到有聲有色,但,一個冇用既太子爺,二世祖可以將一間資產雄厚既公司,轉眼間變成負資產;所以,跑馬要揀騎師, 買股,除了拺行業,佢做生意既地方之外,揀大股東既管理層是最重要的o如果硬要揀細債股, 留意下大藍籌屬下的,有潛質的細公司吧!
睇下最近一蚊供股,資產有 $ 3.2既華人(655),抵買啦,剛供完股冇幾耐,家陣 $0.77喳! 今年１月永義實業(616)二供一股, $.0.052, 之後,再嚟10合1,家陣 $ 0.2喳!

2008-11-20 12:36:09 補充：
如果硬要揀細「價」股, 留意下大藍籌屬下的,有潛質的細公司吧!

2008-11-20 14:12:01 補充：
如果不供又會怎麼樣....?
你可以不供, 但供完股, 就齊齊跌o

供股與否要看公司的前景來決定, 不肯供, 表面上好似蝕底, 白白看著自己已有的股份價值被攤簿, 但如果公司前景不好, 供了就等於再冒險投資多一筆資金 "奢望" 他們會有好的盈利回報給自己. 是否值得呢? 為何不另選新股投資?

2008-11-27 16:35:40 補充：
合股和供股是兩件事.

2008-11-27 16:37:33 補充：
"到時一股價錢會升番50倍嫁"

理論上是, 但事實未必如此. 因為, 假如一隻股份已是 "仙股", 看來似是已跌無可跌的樣子. 但一合了, 可能更觸發那股份可再進一步下跌的空間.

2008-11-27 16:39:01 補充：
官永義先生的永義國際 .... 是很好的學習教材.