換左新狗籠之後,我隻狗唔識大小便!!點算??

你狗狗應該系一時間唔習慣你換左個新籠, 所以就唔肯去新籠大, 小便, 狗系憑氣味去搵番佢痾開果D地方去痾, 就如狗狗出街一樣, 佢痾果痾個度就會去番果度附近痾, 因為果度已經系屬於佢既地盆
好似我上個月咁成日帶我狗狗去街散步, 佢果排就習慣左要同佢出街先肯便便,仲要系每次都痾番系果度附近其實我狗狗之前日常系屋企大便, 但系佢果排去街去得多就上左舖去街先肯痾便便既習慣, 但系咁様唔得, 我原意系要狗狗無論, 去街與否一樣會系屋企便便
咁之後我就唔帶去佢去街痾, 初頭佢可以忍三, 四日先肯系屋企痾, 之後又兩日一次, 如此連續了兩個星期 , 狗狗終於明白我系唔會日日帶佢出街痾便便, 咁而家佢已經習慣番呢個生活規律, 日日都系番屋企便便了
現在你狗狗的情形和我狗狗的差不多, 不過你狗狗佢琴晚已經痾左系新籠, 就証實左狗狗已經開始要面對用新狗籠大,小便的生活習慣, 所以你唔駛咁擔心, 過多一, 兩個星期左右狗狗就應該會習慣番用新籠痾,
仲有如果你地即場見到狗狗系新籠大小便, 就應該獎賞佢小食, 就算系一粒狗糧佢到會開心, 讓狗狗知道咩野叫獎罸分明 , 假如狗狗真系痾系廳, 你就要即時打去 Pat Pat 或者系鬧佢, 再將佢系廳痾完既便便包好放入新籠, 連埋將狗狗困系籠十几分鐘, 令狗狗知道佢應該系新籠到大小便, 咁樣佢先明白到你既用意


2008-11-24 00:47:03 補充：
BB狗仲可以系籠到大, 小便, 但系狗狗已經系成犬就好應該訓練佢入厠所痾或者帶佢出街痾至系正確既做法, 一來個籠用黎"訓", 成日系裡面痾唔系咁衛生, 二來狗狗已經系成犬, 呢D咁既日常生活既野佢應該要學識同埋系一個好既習慣

首先你試試留意下佢既大便時間

其次唔好俾佢停留係大廳

大廳已經成為佢大便既地方

如果佢去唔大廳咁即係唔可以係果度大便啦

咁狗一定有便便要大架嘛?

佢自然就會搵另一個地方黎作為大便既場所

再根據佢每日大便既時間規律

帶到你想佢大便既地方

用一星期黎作為訓練

換句話講呢個星期只有三個地方可以去

狗籠-->狗廁所-->上街

作為大便既地方只有呢三個選擇

做啱左既話狗主亦唔需要作出讚賞

做錯左狗主亦唔需要作出懲罰