✔ 最佳答案
大埔富善的電梯事故其實都幾得人驚, 一直以為政府機電工程署是有跟進監管各電梯公司及全港所有樓宇的電梯, 原來是全無這回事, 那真是人人自危, 要坐電梯真的是要睇清睇楚至好入去, 否則分分鐘搵自己條命仔來較飛。
問題出在業主立案法團貪平搵埋啲唔係原廠嘅電梯公司來保養, 正如那些專家話頭, 唔係原廠嘅, 在零件上、原來設計上及修理工不可能對各種牌子電梯都能那麼熟熟識等等問題, 那在維修保養上便產生漏洞, 政府在此方面是否要多做點功夫? 否則若真有因此而引致人命傷亡事故發生, 那真是後知後覺而又被千夫所指了。
富善邨所用的電梯是通力牌的, 同型號的全港有五百多台, 但在大埔運頭塘出事的是富士達, 並非同一牌子。如要知道居處電梯屬何公司, 基本上在電梯內會有該電梯牌子或其標誌打在其內, 亦會張貼該部電梯是由何公司保養及其保養期, 為安全計, 自行查證一吓, 若非原廠保養的, 這便要跟所屬業主立案法團商議跟進了。