好唔開心,同男朋友又嘈...又係嘈番以前既事

人人都有過去, 過去既事, 讓他過去, 佢今日對你好就得啦.
將來既事, 冇人知. 今日既然佢仲係你身邊, 就唔好多心. 有時諗返轉頭, 人生幾十年, 唔知幾時會緣盡.
1/ 可能幾年後佢已經唔係你男友, 可能你地會分隔好遠, 甚至大吉利是, 有一個己經唔係度. 咁到時你地之間有d咩回憶呢? 就係呢d吵吵鬧鬧既日子?
2/ 如果有機會白頭到老, 你地咪仲要吵多幾十年?
===
既然佢而家係中規中矩, 舊事就算數啦. 不過又唔係放任佢咁解. 前事不計, 不過要計現在. 如果而家佢有同舊人真係發展, 或者識過一個新既外遇, 你先至同佢開戰不遲.
如果只係食餐飯, 你輕描淡寫咁表達你唔鍾意, 就要停口. 佢可能把口唔認, 但一定心知肚明, 知道你介意既.
如果佢真係敢同舊人再發展關係, 呢d人藕斷絲連, 真係唔好再花時間同佢一齊啦, 撇脫d飛左佢, 慳番d青春, 搵過第二個男友好過啦, 如果唔係, 你有排煩也!

唔係執唔執著既問題,而且信任既問題,而且妳咁做亦都等於搵野黎嘈.咁唔係話妳唔0岩,妳唔再信佢係好正常,不過始終如果大家唔能夠信任對方,咁又點會有將來.所以妳地2個應該好好傾下,要俾大家都講出內心既不滿,同埋解決問題既方法,然後就盡可能唔好再拎返出黎講.妳同佢有既係信任問題,妳要同佢解決呢個可以破壞感情既問題.

你真係太執著喇！
好多時男人覺得你係好既，覺得可以專一對你既，佢就會將以前唔好既事收埋，因為佢都想係你心目中留個美好既形象，等你覺得佢對你好好等等
就算佢真係有同果個女仔去食飯咁又點呢？代表D咩呢？你又冇親眼睇到，佢同左你講之後，你估你唔會胡思亂想咩？
可能佢就係知道你會亂諗野，但係又想同朋友聚舊，先唔同你講。你唔知既，就唔會起疑心，咁就冇問題啦。<---呢D就係男人心諗既野
不過最有問題係你係人地既口中聽到佢既消息仲要質問番佢，好老實講，比著係我我都嬲啦。你一直以黎對佢既唔信任，好易會令佢對你心淡架咋
女人鐘意比較你正常，鐘意同男朋友之前既女朋友做比較係更加正常，不過你未免太出面喇。比人既感覺就係你有好強既"度忌心"，成個細路女咁。係你所講既說話入面，我講得你男朋友應該幾講得笑既，若果下次你真係想比較既話，我建議你換個方式，例如好似講笑咁講，你男朋友應該會接受，而且會覺得你有改變同大方，慢慢就會套到佢講下以前D野架喇

佢係咪大陸仔呀 ?
如果係大陸仔 , 妳冇必要咁作賤自己啦

因為 ....... 香港人比大陸人高級 ,
衣個係事實

每個人都有過去, 佢以前係點已經過左去, 佢而且都同你提過啦, 佢都算無呃你, 你都話唔知係咪果陣佢失戀所以放縱自己做左好多衰野都未定。但人總有過去, 你而家係同"而家既佢"一齊, 唔係"以前果個佢"咪得囉。你都話佢對你同屋企人幾好咯, 連佢同事都咁講。仲有你話佢同事都係聽佢同朋友講話好似有出去同個女仔食飯, 你有無親眼見到呀? 人地都話好似, 你信佢同事都唔信佢, 你咁唔信佢點解仲要同佢係一齊? 咁樣拍拖無意思架, 就算佢真係同左個女仔出黎食飯又如何, 食飯姐, 一場朋友, 咪你無異性朋友既咩? 你心平氣和同你男友講, 你唔鍾意希望佢儘量少聯絡個女仔囉, 佢應該識處理。

反之, 佢要同個女仔有野, 呢個男人你都唔駛恨啦。早點知咪好d law.

其實, 佢已經交待過比你知, 點解你唔放過佢, 每件事都要查根究地, 係咪都留番d 私隱及尊嚴比佢呢, 你有無企係佢角度諗, 都幾難受? 可能果段日子佢自己都好唔開心。發生左既事情怎可改變呢?

知道都未必好事 , 你太執著啦 , 相處要信任 , 我覺得你應該主動同佢道歉 , 冷戰亦無補於事!

贈你一句: 珍惜眼前人! 唔好等佢走左先識珍惜.

"我係唔係太執著???"
係

人人都有自己的過去
何必時常
從提舊事
他已經
從一而終

男人有個特性
就是怕反舊事

聖經 : 舊事已過,都變成新的了

放下執著
享受大家相處的日子

其實大家同得埋一齊的話,真的要大家把過去事情要忘記,成日提起都沒有意思啊,你們一起已三年啦,無感情的話友會有三年咩,你諗諗?一齊相處真的要大家包容大家過去,現在佢同得你相處,友對你好,對你家人好,已好難得的啊,你知道嗎,把唔開心事講了出來之後,再把開心的事記係心中,眼光放遠一d,唔好令自已胡思亂想,唔好為少少事而曹吵,明天真的會更美好的啊,這樣大家一齊日子會好開心的啊,你都有自已朋友/佢都有自已朋友/這樣大家都有朋友空間的啊.是嗎.如你男朋友不喜歡你的話,友點會連回鄉證都放係你到呢,無了回鄉證,友何以去得邊度呢,係咪?日對夜對都係你對佢,難道佢做什麼你會不知道嗎?做人不要咁執著啦,眼光放遠一點啦,真的會好好的.想擁有一段好感情,一定要大家遷就大家,包容大家,誠信大家都係好重要的啊.這樣才是相處之道啊.ok.

this guy-有著好多好淫亂既經歷(大多在大陸發生)=male dog
分手,學壞,群左D壞人=not a good reason=long time later he will do it again when chances are coming
this guy will never respect female(U) & always lie to u,u can't trust him
you唔係太執著, find someone better,trust me!

-from a normal 33 years old male (married) advice

2008-11-19 15:54:34 補充：
if u really can't give him up now , then when u find out he lie to u again ,don't wait,broke up with him!

2008-11-19 16:02:49 補充：
有著好多好淫亂既經歷(大多在大陸發生)=unforgivable=人格有問題,
別婦人之仁,只要是正常男人都會對你及你家人好，是最基本要求，女人就是要给人疼的

2008-11-19 16:26:52 補充：
listen this song ~ Honesty - Billy Joel
Honesty is Everything you need ,ask if he can give
*i can say all other adviser must be female, they don't understand male,that's why so many devoice in this world

以前過左去既事 , 知道未必好事 , 唔好太執著 啦妳, 尊重下佢 , 佢唔想講 , 妳迫佢都唔會講真說話 , 終之而家佢對妳好咪得囉 , 兩個人相處要互相信任 , 妳相佢同事都唔相佢 , 係人都嬲啦!每個人心底都有自己唔想講既秘密 , 仲有善良既大話講又何妨講呢!快d氹番佢啦 , 冷戰得耐感情好淡架!

我覺得你要查根究底係因為你妒忌,
但查出左有又點冇又點?
如果有既... 係咪你地會分手?
(難道同個舊朋友食飯聚舊都要分手?)
如果佢話冇你又會相信嗎?
就憑你一句"佢話冇,不過我都覺得自己好白痴,就算有定冇"
就知道你唔會相信佢,
你男朋友嬲得好正確,
佢講得好正確!
你係寧願信佢朋友都唔信佢!
咁係埋一齊仲有咩意思?!
好多事過左去,
好多人都話...唔係對方第一個,
只要係對方最後一個就可以!
你唔明白咁既道理只會令自己永遠陷入痛苦!
因為~~香港有多少個男人, 你可以成為佢第一個. 而大家又相愛既?!
你可以計較得幾多?!