BB就出世,有些問題想請教大家的.

見紅、穿水同陣痛都係BB就黎出世既徵兆黎，有機會是但出現一樣，亦有機會三樣一齊出現~ 真係話唔定架
若果你太太真係咁有需要入院前沖涼既話，有陣痛同小小見紅都可以，但穿水就最好唔好喇。一來驚再郁動得多，會再流多D水，二來就係穿水既話，會驚有細菌感染
不過其實如果你太太係每日都有沖涼既話，到有徵兆出現時，都唔必要一定要沖左涼先既，沖小一日都唔會污衊得去邊啦~
要叫車定自己去，就睇下你係邊個地方同咩情況喇，係屋企或者係街既，最好就坐的士啦，分分鐘快過你等白車呀。若果你係商場或者穿水穿得好勁，甚至行唔到，就最好叫白車，起碼你唔使郁就有人送你去醫院，仲有醫護人員幫你手~

分娩的徵兆
1、 見紅(出血)：有粉紅色的分泌物從陰道排出。
2、 破水：胎兒的頭壓迫羊膜，使羊膜破裂，羊水流出。(透明,类似鼻涕的液体)
大約有90％懷孕37周以上的女性會在破水後的24～48小時內自然分娩
3、宮縮(一個最常見的徵兆)：子宮開始出現有規律的強烈收縮, 一般疼痛持續30秒，間隔10分鐘。以後疼痛時間逐漸延長，間隔時間縮短，稱為規律陣痛。

見紅或破水時如果未有規律陣痛，其实可以返屋企沖涼洗頭, 拎齊野入院。(但最好就唔好拖得太耐)

恭喜你...!!
見紅定穿洋水先...每個人都吾同...!!
如果穿左洋水,就吾好亂動喇...叫白車去醫院...!!
如果見紅..但個肚吾係每隔一分鐘左右痛既話...我諗食飽個肚.好過去沖涼...!!(因為生BB個陣,要用好多力)
希望幫到你...!!

我生大仔o個陣咁岩出街食飯,去洗手間發現自己見紅,就慢慢食埋飯,再搭車返屋企沖涼洗頭,拎齊野自己搭車入院,最後住左3日先作動生!
上個月生細女就o係屋企,臨訓突然穿羊水,即刻call亞媽幫我睇住大仔,執齊野就自己搭車入院,痛左幾個鐘就生左啦!

你記住到時最緊要個人唔好亂,隨機應變啦!

毎個人唔同~不過大部份人係由見紅開始~而我都係見紅就去洗頭同冲涼之後先去醫院
穿洋水你就立即帯你老婆坐的士入院~~~~~~~
之後會陣痛大約毎幾分鐘―次~

陣痛得不急就唔好入院,不然在醫院等很久才能生,而且在等的時候又不能吃東西,好悶和餓的.最好等到每4.5分鐘痛一次,才入院.

但係陣痛好似係...每五分鐘痛一次...
先表示生得wo....

恭喜你.

其實見紅定穿洋水先都係個人0既, 每個人都唔同, 有D人有見紅冇穿水, 但有D人穿水冇見紅, 而倆者都可以沖個涼先都唔遲, 但穿洋水就危險 D.

除0左以上的徵兆, 陣痛都是徵兆, 陣痛係有一個規律0既痛, 每20分鐘或每30分鐘痛一次, 咁就要入醫院.

其實每個徵兆發生, 都唔使緊張, 除0左特別情況, 否則BB係唔會突然要出世0家.

希望幫到你.