我個bb食粥食到嘔,係個胃唔好定太飽??,好擔心!!!!!

你話佢嘔左4次，咁係咪佢由出世到而家就係食左4次粥呢？定係之前一直都係咁食，最近先嘔4次？
如果係岩岩先開始食，就唔應該一食就食一碗架喇，你慢慢咁比你適應，慢慢加比佢既
如果係平時一直都有食開，淨係最近先係咁嘔既話，有機會真係冷親，佢腸胃唔好，或者有菌，都好易會令佢食左嘔番晒出黎
餵得太急未必係一個問題，因為都要睇番個小朋友食唔食得切，如果佢食得切既，就唔會係餵得急啦。相反如果小朋友個口都仲有一大啖未吞佢又係咁餵第二第三啖入口，咁就係太急喇。不過通常咁既情況，未餵到一半，小朋友都會嘔架喇，唔會等到食晒先嘔
至於食食下又抱起佢，真係唔得架。莫講話對小朋友既消化功能有影響丫，對小朋友既習慣都有影響架，咁樣好易比小朋友一個錯覺就係唔使坐定定食野，第時大個就會一路食一路周圍走，到時辛苦就只有大人架咋
我唔知你要唔要番工啦，但係比得奶奶湊，你就預左十樣有九樣都係唔合自己心意架喇。如果你係唔使番工既，咁你就自己湊番，同佢講清楚邊個時間可以同BB玩或者定一個時間係比佢同BB玩既，其餘時間最好就番入房或者叫你奶奶暫時唔好比任何意見住。一係你就番工，睇唔到仲好，只要你放工番到去，BB冇穿冇爛，健健康康就冇問題架喇
我以前都同過我奶奶住過一輪，我自認都好順得人意，不過都係頂唔順，尤其係教導BB果方面，我真係唔係好接受。可能每個人都有唔同想法啦。不過我同佢一齊住咁耐，因為我要番工，所以我都由得佢，佢鐘意點就點，除非真係有咩特別唔得既提下佢，但係佢係我番工期間做左我都唔會知
所以如果你真係要繼續比佢湊，你最好就係忘記佢唔好既地方，淨係睇佢好既地方，咁你自己會好過D。得閒就搵自己媽咪或者朋友傾下，個人會舒服D既~

從你既字裡行間黎睇
睇怕你都非常明白問題真正癥結所在……
我係驚到頭來BB有咩事
有人唔認帳仲要推卸責任咁啫

希望你老公都一樣明白個問題響邊度
如果可以既話就搵多個人睇佢啦
唔好比一個人睇晒會好D

你bb幾歲先?
佢可能有胃氣..
因為bb仔唔識自己"er"返d氣出黎;;
就好似想嘔咁..
所以次次食完野就最好幫佢以下至上掃背脊,掃返d風出黎.
同埋食緊野果陣郁黎郁去都係唔好..
因為咁樣個胃會"long long下" 就想覺得想嘔.

你試下比佢坐係度, 慢慢咁餵佢食野:)

但如果情況真係好嚴重(食親都嘔返出黎);; 最好check下e生.
可能佢個胃消化力較差.
一係轉比佢食糊仔``因為糊仔較粥營養.
再唔得就比佢飲奶啦..因為奶對bb黎講好重要.
希望幫到你!