何謂教授?????我想問係博士學歷高D定係教授呀???

兩個唔可以直接比較．



博士係一個學歷嘅高低層級，即係：副學士，學士，碩士，博士．



教授係一個響學校（大學）裡面嘅職位層級，即係：助教，講師，助理教授，副教授，教授．



不過咁講啦，而家大學請個講師好多都要求要有博士學位啦（有D到副教授先有呢個要求），咁請咗你做講師，仲要一路教書，一路做研究，慢慢先有機會升下升下，升到教授，響呢個角度睇，教授係高級過博士嘅（教授一定有博士學位，有博士學位唔一定做到教授），如果有博士學位，而又唔去教書，咁就一定唔會做到教授啦．



另外，教授退咗休之後就唔會再係教授，而博士呢個銜頭係終身嘅，只要攞咗個博士學位，咁就算去到邊度，做乜嘢職業，都仍然係博士．

教授一般係指響大學教書的老師，他們通常除了在大學教書外，主力還會做研究工作，定期出論文。

教授是一個職位，而博士係指一個學歷，兩者性質完全不同，所以並不能如此比較。等於，你唔會問︰「會計師同博士邊個學歷高D？」或「律師同碩士邊個學歷高D？」這些都是不能解決的問題，因為問題本身係錯的。


不過，值得一提的是，要成為教授，最少應有博士的學歷。