倉鼠咬人...;(...PLZ...Answer

你養緊既應該係小銀孤a1)你只係養第3日,鼠鼠會咬你係好正常既事
相信好多寵物都係,好難話買返屋企2,3日就會當你主人咁看待,咁快就咁急咁去拎起鼠鼠,鼠鼠當然會好驚
鼠鼠身體細小,冇咩自我保護既能力,咁係會更加怕人,你愈心急要同鼠鼠熟,愈易嚇怕鼠鼠,試想下,如果忽然有日有隻大你咁多既動物帶你去一個陌生既地方,第3日抱起你,你會有咩感覺呢?
加上你應該係一籠兩鼠?獨居既鼠鼠唔慣同第隻鼠一齊住,咁會感到壓力,除左易生病之外,仲特別易咬人
而你話你朋友既鼠唔會咁,其實都要睇返鼠鼠本身既性格同能力,如果都係新買鼠,其實有D新鼠最初未必敢去咬人,但keep住未熟就係咁攪鼠鼠,好多時就係鼠鼠慣左環境之後,甚至一個月後就不斷咬人,所以最好請你朋友都慢慢唻,被咬既唔開心,鼠鼠受驚既感覺係更難受,因為咁而病左就唔好啦

a2)一籠一鼠,再慢慢同鼠鼠建立關係,就自然冇咁易咬你了
首先要仔細檢查鼠鼠身體及排泄物有冇異常,怕鼠鼠受驚已經生病,肯定冇問題之後,俾鼠鼠靜下,兩日唔好打擾鼠鼠(其實鼠鼠買返唻既初時,頭兩日唔好打擾佢),再試下以下方法同鼠鼠建立關係:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

同鼠鼠建立關係之後,都可留意返鼠鼠其他咬人既原因,都可減少咬人既問題,詳細可參考以下我回答既知識:
http://hk.knowledge.yahoo.com/question/?qid=7008011003084

a3)如果處理得唔好,仍然一籠兩鼠or太急進,大左都一樣易咬人,甚至大左更大力,咬更痛
被鼠鼠咬到,雖然冇咩危險,但傷口一定要處理既,所以記得消毒同貼膠布

另外,其實鼠鼠最好分籠,如果唔同性別,繁殖鼠鼠會有好多問題,希望你可考慮一籠一鼠
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

a1. its because it is new to u house , u cannot be so close to it in about 2 to 3
days.

a2. u should now go a bit away from it so it will forget about u sence...
(i mean the human smell on everyone 's hand.)
u should not do something(such as :when it bit u , u give it food..)
so it wouldn't think if it bit u , it is doing good.

a3. yes it will..