✔ 最佳答案
你所講嘅陰道炎係咪念珠菌感染(下便痕到死同有好多分泌)? 個人都曾經此苦, 唔知你有冇食避孕丸, 醫生講至知原來有D人食避孕丸是會好易得到念珠菌感染的, 我就係反反覆覆隔三兩個月就番發一次, 次次醫生都係開D塞葯(以前要一連塞五晚煩到死, 好在到後來發展到有塞一晚就OK嘅葯), 後來停食避孕葯之後就未發作過. Anyway, 如果你有食避孕葯就可以同醫生商量吓有冇其他方法避孕, 重要平時不要着尼龍內褲, 要着棉的, 重有唔好成日着D窄EE嘅牛仔褲, 因為又熱又焗嘅環境有利念珠菌大量繁殖. 唔肯定念珠菌會否傳染比性伴侶, 但我男朋友都試過一次好痕, 就算對男方冇映响對女方都唔好, 問醫生嘅話佢都會叫你唔好<行埋>住, 因為發病時陰道會又紅又痕又敏感, 經唔起<劇烈運動>, 會好易擦傷!
希望幫到你啦!
2008-11-19 14:03:20 補充：
Clotrimazole cream係一種抗真菌嘅antibiotic外用葯膏, 如果冇記錯Cansten係對付念珠菌感染嘅陰道塞葯, 我以前都用過. 唔知呢兩種嘢係香港要唔要醫生紙(係加拿大Cansten唔使醫生紙)但都可以在葯房買到, 不過如果冇問過醫生就唔好買嘢嚟灌洗, 因為可能會減輕Cansten葯效, 如果有需要醫生都會叫你用啦! 記得向醫生問吓避孕丸同念珠菌感染嘅問題呀!
唉, 你老公點解唔去睇醫生呀? 有葯可以幫到佢, 諮詢過醫生之後如佢認為有需要就會開口服葯比佢喇, 就算佢比你傳染都唔應該求其亂咁用你D葯膏!
