薄血藥會唔會令血指數低?

我知有2個問題既
1: 化療係有機會導致血色素低(本人試過,但是只食化療藥)
2: 食薄血藥係令血既濃度減少,才可以令血塊溶解
因為血既濃度減少,所以血色素自然會降低
但至於會唔會番發,就要睇佢係咩事要化療啦

我敢講係九成十同化療或者病人體弱有關
真係因為食薄血丸而造成血色素偏低
在下暫時未遇過

依個情況血指數低睇黎都係同化療有關
化療會抑制骨髓造血係出名既副作用黎
雖然一D癌症係會引起出血令血色素下降
但亦未必同復發有關係
另外病得咁上下既人唔多唔少都會有貧血
特別係胃口差食得唔係幾好個D

不過在下未可以排除因為食薄血丸
而造成出血引起血色素下降既情況
通常薄血丸食得多唔多驗個血就知
如果一向都係食咁多而凝血指數又正常
D大便呀又冇黑色或者驗到係冇腸胃出血
咁亦都可以初步排除係出血引起

照睇都多數係同化療有關既
不過詳細你都係問番主診醫生好D
我冇睇到血報告都係一味靠估

唔知病人做嘅是什麼化療, 但照我所知一般薄血葯aspirin之類是不會令血<指數>徧低的, 因為我媽媽長期食薄血葯都冇事, 相信可能係化療的映响, 但未必代表有額外的危險. 現階段最重要係積極配合醫生治療, 家人的態度都好重要, 你如果覺得徬徨不知所措同過份担心, 個病人係會feel到! 家人同病人的積極態度係病人康復的重要原素嚟! 祝你的家人早日康復, 大家開開心心!