有咩方法可以練好身體

要練好身體，離不開三件事：1 運動，2 營養，3 休息。做運動，唔需要花錢的，就算響屋企都做得到，初步最優先是增強心肺功能：

跳繩：呢個係最簡單的，家裡跳繩唔需要著鞋了，免得嘈到樓下，不過都要舖塊墊 (運動用品店有，再唔係用小朋友的膠墊亦可)，吸收震盪，避免腿部的傷害。

向上行樓梯：嚴格來講唔算係家裡，不過都係響大廈內做，唔洗出街。慢慢行就得，不需要跑的，最好隨身帶一枝水。
踏步：找一張穩固的矮凳，不停踏上踏落，不用夾，慢慢做，留意係<向前踏上，向後踏落>。以上三個係每星期三次，每次 30 分鐘或以上 (不是每樣都做三次，而是隨意配搭，三樣合計每星期三次就得)，能夠全身減肥，收緊臀部和大腿 (唔怕你兩個地方鬆泡泡)，而且增強心肺功能。如果你係男士想強化肌肉，有以下選擇：掌上壓：最基本的，不詳細講，動作方面要請教學校體育老師，或識得健身的朋友。此動作強化胸肌及三頭肌。<痞>低起身：好簡單，<痞>低後再起身，動作要慢，唔好急，能夠強化大腿和臀部肌肉給線條。sit up：好多人都會誤會，以為 sit up 可以收肚腩減肥，其實 sit up 係無腩的狀態下進一步練出腹肌來，相反其消腩的功效非常低，在減肥成功前都不需要做。以上都係簡單的運動，又唔會好花時間，已經足夠令你健康和 fit 了。

另一方面，我並不建議任何初學者再家裡練習舉啞鈴的。因為舉啞鈴給其他的重量訓練都要求個動作正確，否則唔單止無效，重可能受傷。一定要搵識得的人士親身示範教導，同埋幫你執靚個動作，自己唔識做又模仿他的動作係好危險的，因為初學者唔適分辨自己個動作正確與否。營養方面，食素真係好大障礙，不過我亦尊重你的選擇。而且食素都有 d 有營養的選擇。首先，飯麵等一定唔少的，因為提供碳水化合物作為身體的能量。蛋白質方面，可以多食大豆和其他豆類，菌類，豆槳等等。

要留意一定要食夠 3 餐。好多人唔重視早餐，其實大錯特錯。由你食完晚飯到訓醒，最起碼都 8 - 10 個鐘，要立即補充營養，如果唔係，要到午餐才進食的話，身體唔夠能量，就會自動減慢新陳代謝率，於是會無精神，乏力，重會容易病添!休息方面，點都要幫自己安排每天 8 小時睡眠，而且要定時定候上床/起身。

如果你真係想身體好,甘就一定要抽時間做運動,改變生活習慣.