請問我想做健身教練要怎樣入行呢?

我唔係教練，不過響 california 練左幾年，亦曾經響其他中小型 gym 練過一輪，亦適得幾個教練，所以對佢地 d 教練同公司 policy 有少少認識，有幾樣野你要留意的：1。響任何健身中心做教練，都要有健身教練牌照，你既然已經有的話，算係初步可以。不過要留意，有部份 gym 只承認個別課程的資格，而以 california 為例，就算你已經有教練牌，都會強制你再讀他們自家的培訓課程 (唔洗錢) 至正式做得，你最好先探路。2。大型的連鎖式 gym，例如 california ，所有的教練都要自己跑數，即係向會員推銷自己的課程。公司唔包你底薪，又或者只包一個僅夠搭車食飯的低薪，所以唔係話自己懂得健身，懂得教人就得，重必須要曉得向人推銷自己，簡單來講，就係要做埋 sales 去推銷自己。3。連鎖式 gym，例如 california 的教練之間競爭好激烈的 (因為要自己跑數)，所以流失率亦好高，好多人做一/兩個月就做唔住。至於其他中小型 gym 則是各處鄉村各處例，不過比較常見是包低薪 (不過不高)，可以自行向會員 sales 堂。

至於邊間好？睇你自己啦。

大型連鎖式 gym 競爭大，好難做得住，大部份入行的挨不了幾個月就要離職，不過真係俾你做得掂又搵到客路的話，係好搵錢的。

相反，中小型 gym 競爭小，壓力無咁大，收入穩定，但搵錢唔多，你自己選擇吧。
至於入行方面，大型連鎖式 gym 會不定期刊登招聘廣告，你留意<南早>或<recruit>一類，有機會睇到。而中小型 gym 則往往係透過朋友介紹的，如果你響健身介識多點人會比較容易搵，否則機會好細了。順帶一提：健身教練自己個 body 就就生招牌，所以要好好鍛鍊自己呢!