房屋署翻新

原則上係全屋的門全部重油, 清潔全屋, 如果上手無鋪地磚, 會重整地台(手工當然較差), 所有水/電/去水渠包攪掂,

提議你先檢查間屋才決定是否翻新 :
1) 間屋是否清潔, 有無好多什物留底, 如果要翻新, 你自己要倒垃圾
2) 所有門是否清潔, 有無好多貼紙, 特別廁所門, 有無枯爛
3) 上手有無裝抽氣扇/冷氣機, 如果有, 你要自己攪掂換玻璃
4) 來/去水喉/廁所水箱是否無問題, 你要自己攪
5) 是否準備換鋼閘, 如用上手, 必須由房署翻新,
* * * 有朋友教, 收樓時借故話鐵閘開關唔好, 要求管理公司換鎖, 由自己買鎖, 慳翻自己找人換鎖, 但唔係間間管理公司肯做 * * *
6) 窗花是否完整, 有無缺少幾只

最後, 你當然問清楚翻新費有幾多, 如果得一仟幾佰, 你要計一下自己油三只門, 全屋清潔是否值得.
電一定無問題, 無論是否翻新, 房署一定攪好才交樓.
提議你要睇一下條巷的鄰居是否全部用房署的閘, 如果全部用房署的閘, 只有你換鋼, 恐怕你有危險(被人打刧), 係經驗之談.

* * * 提提你, 如果揀翻新, 收樓後 24小時內要申報維修, 否則一樣唔包, 最好揀星期六收樓, 多一天時間慢慢檢驗, 其實收樓手續已經要半天, 根本唔夠時間. * * *

就算你打算全屋裝修, 你問一下師傅, 俾屋清潔的屋俾佢, 及另一間等翻新的屋是否同價, 要裝修師傅清潔係唔平既, 先打價.

2008-11-18 23:02:38 補充：
補充 :
你唔好以為翻新的樓 = 出面的裝修手工
1) 一定清潔乾淨
2) 所有門 / 窗 / 窗花 / 玻璃一定齊全(如果有)
3) 牆一定油好, 望落好似好好, 但你用手一碰, 保証脫落
4) 門如果無爛, 只會掃一層油, 都睇得下, 但唔好要求高, 如果運氣好, 碰著一只爛門, 你才會有新門
5) 地下雖然重整, 只是門面工功, 唔識形容

原則上, 你都要睇津貼有幾多, 你自己要求高唔高, 有無能力付出裝修費.

要求唔高或且想觀察一下, 等幾年後重新裝修, 都可以揀房署翻新後入住.
如果津貼低, 當做清潔費都抵.

回答 (2)