我隻bb芝娃娃!!!! 急問!!!!!!!!!!!!!!!!!!!!!!!!!!!!!救救我!!!!

聽你咁講情形, 你狗狗淨系有D嘔, 大便又好正常, 咁唔似嚴重到會死, 我不能為你決定什麼, 不過我自己有養狗, 我就講D經驗你聽, 我狗狗試過有兩次腸炎, 第一次佢果時系四個月, 就系岩岩買左番屋企一星期, 狗狗又痾爛屎同嘔, 後來我帶佢去睇醫生, 醫生話佢腸炎就比左D藥狗狗食 (D藥包括有腸胃藥, 抗生素,杜虫藥等...) 大約過左三天左右狗狗就好番晒
到左上個月, 已經系事隔兩年既事, 狗狗今次又系咁又痾爛屎同嘔, D大便仲有少少血咁, D色仲系啡黑色, 我就驚起上黎帶佢去睇醫生, (狗狗大便有血同埋顏色呈黑色系好像嚴重既事, 就好似人一樣咁, 有可能胃或腸出血, 更甚有可能是因為腸壁長有肉瘤導致大便出血, 輕病則是生虫) 醫生就如上次一樣開藥比我我狗狗食,佢話如果狗狗食左藥後還是沒轉好, 就有需要同我狗狗驗血和驗大便, 甚至系照胃鏡, 醫生叫我如果狗狗食左藥之後無事就唔駛帶佢返黎覆診, 好彩後來我狗狗食左兩日藥之後就慢慢好番晒

我唔知你個醫生有無好似我個醫生咁樣, 幫你狗狗做晒所有以上D檢查先同你話狗狗可能有生命危險? 希望你能遇到個有職業操手的醫生, 也希望你狗狗能盡康復


2008-11-18 00:36:02 補充：
我買狗果時系諗著買D三至四個月大, 一隻狗狗養唔養得大, 同埋佢健唔健康, 兩個月左右就知架啦, 所以我果時專登選 D三個月大或以上D狗BB, 不過, 寵物店D狗狗最多養四個月大左右, 如果四個月賣唔出, 佢地就會幫狗狗拍針, 人道毀壞, 就如愛動物協會一樣, 佢地無可能白白支出而無了期去養一隻動物, 所以網友們如果唔要貓貓,狗狗要諗清楚先好送去愛動物協會, 如果佢地過左三個月都無人要, 就會同佢地拍針, 送佢地一程架啦

2008-11-18 00:57:01 補充：
呢個網站有些獸醫診所同醫院, 你自己去參考一下!
http://www.pethk.net/q-pet/vet/

2008-11-18 03:00:45 補充：
想回覆樓下個位網友, 門市D醫生唔系個個都作野既, 如果系就全部執晒笠啦! 不過人家擺明系做生意, 當然會收費比政府醫生貴, 咁的而且確系有小部份醫生系無醫德, 咁政府醫生有D都會出錯啦, 至於愛護動物拹會, 我有個朋友都曾經比隻貓佢地醫死左, 所以我地唔可以一竹槓打一船人

其實出邊d醫生信唔過,有d作野想你比多d錢!!唔好睇出邊果d!睇愛護動物拹會既e生,一定幫到你,因為d醫生係政府嫁,佢地見到d動物有野一定會全力醫好!
我諗你最好報警告發間petshop,唔好聽佢講過左24小時唔理,等警方查下佢d狗係邊到黎,d猫狗檢查下係唔係有問題,有可能係黑店!我支持你告間野,因為可能會再有其他受害者係果到買狗!
唔只受害人,其他狗都會再比佢地害,好慘嫁!
你話佢d狗好dirty,e點再加買你狗狗既情況可以告到佢!

個個醫生都話唔一定會醫得好,費事負責任,唔好睇第2個醫生,呢個跟開會好D,除非有人好介詔,你隻bb芝娃娃係唔係得2個月大,2個大bb狗特別多病毒,如狗瘟,我5月同7月分別就死了2只bb狗,而家都唔敢再養,如再養要3個月以上大,有信譽狗店才可!

我覺得您最好就先帶佢去睇醫生,做個檢查,睇吓有冇事,其實呢的情況我隻米飯(芝娃娃)試過,我會俾溫水佢飲,等佢舒服點,再俾佢食點水果,千其唔好俾佢食點燥熱嘅水果(如:荔枝),要俾佢食點下火嘅水果(如:山竹)

你只bb芝娃娃可能凍病左？你快帶牠去看醫生，唔拖得架，遲左仲麻煩。