我發覺自己好似有BB

如果你只係懷疑，你可以先自行買驗孕棒驗下，驗到有先去醫生到確認一下
若果你自己都估到有九成機會，而你係想要個BB既，咁要睇咩醫生就要睇下你想去政府醫院生定私家醫院生喇
想去政府醫院生既，你可以去任何一間普通西醫既診所，佢地都會提供驗孕服務。而且你仲可以即時叫醫生幫你寫封轉介信，去你想生BB既醫院做登記就OK喇
想去私家生既，你可以直接搵個私家既婦科醫生，佢除左幫你驗孕外，亦可以一直幫你檢查，直至你生同你接生為止~

咁你去普通西醫check 咗先, confirm 咗就要睇你想要私家定公立醫院到生, 如果想到公立, 就攞住張醫生紙去你想去嗰間醫院入紙(記住問清楚係星期幾先有得登記), 而家有d公立都有私家房, 如果想要私家, 你就去睇婦產科醫生, 最好方便你自己嗰區, 唔駛舟車勞動咁辛苦, 仲要睇吓你個醫生係邊間醫院掛名, 如果想自己去私家醫院, 佢哋都有套餐俾人選擇, 總之係睇你自己想點~~
我唔提供醫生, 係因為唔知你住邊, 去得太遠睇都唔係咁好, 會好辛苦架, 所以你要想清楚自己要公立定私家先啦~~

其實大多數醫務所都有驗孕服務，即知！

任何一個註冊西醫也可以，証明有孕可拿醫生証明到任何一間政府醫院登記產前檢查就可以，費用全免。

現在的驗孕棒準確性好高,你可以買嚟測咗先.宜家任何診所都有驗孕服務,都係尿液先驗,你好快D去驗下,懷孕初期不能大意.祝你好運!