教會生活好唔開心...

我返左呢間教會有二年幾啦，初時都好開心，後來我為左令團友更了解自己，我就開左個網上日記，讓大家知道我的近況和內心感受，我的日記主要都係寫團友點對自己唔好，有些團友看完後會同我道歉，但我依然係唔開心，因為我唔鍾意大家經常互窒，我本身唔係一個醒目的人，屬於係好笨好鈍的人，同事們都睇唔起我，連家人亦比說話我聽。

好似我上個月在公司承受很大壓力，有同事表面好幫我，但聽其他同事講原來那同事覺得我好廢，佢始終鍾意上一手同事多d，我都唔知講咩好。而上司又請多左個人做野，我工作量係少得好可憐，咁我就遞辭職信。我同番教友分享，我的用意是希望佢地為我禱告眼(我沒有說出來)，但可惜換來的是被人嘲笑，我覺得他們沒有聆聽我講野。我覺得上司們的勸告比教友的話好得多。

有一天，我的教友將我的網上日記比佢d網友睇，我的教友年幼時識好多不良青年，我不知道他們現在有沒有聯絡，我好怕個d人，之後我就在日記發脾氣話人真係信唔過，我在公司都會咁講野，但d同事當我講笑，但個教友同他們的朋友知道我話佢地信唔過，佢地就好嬲。我話完佢地之後驚尷尬，於是有一日唔敢返團契。

點知有教友就在日記話"有人自閉，唔返團契"，我睇完好無奈。我仲send左好多sms比d教會長輩話個教友好唔岩。

之後我有一位教友生日，因為我同那教友不是好熟，我沒有他的電話，於是我就致電話我自閉的教友，叫佢將電話pass比生日的教友，佢點都要返教會同佢地食野，我拒絕，跟住我就發脾氣，連byebye都唔講。我都唔係咁想打比佢，但我同其他教友真係唔熟嘛。

我唔去同佢地食野的原因係之前有位姐姐食好多野，跟住教會長老級人士就在背後話佢，我覺得好失望，所以我咪唔去。

結果那教友在佢日記話有人當佢係工具，我覺得好無奈。pass過電話都叫利用人，我都唔知講咩。

仲有，導師一向都錫那位教友，每當我講錯野，導師就話我衰，但其他教友講野咪一樣hurt我，又唔見導師話佢地，我覺得好唔公平。
傳道人仲要我見輔導員，仲話輔導員可以幫我點同教友相處，但那班教友咪一樣唔識同人相處，傳道人又唔叫佢地見輔導員。

近日我下決心一定要離開這間教會，因為我實在不懂與他們相處，如果我返那間教會係開心，我就不用在日記呻啦。