急…做牙套問題，幾錢、做牙套程序，急

嘩, 使唔使呀 ?! 咁貴 ? 話你聽, 依家香港好多醫生套一隻牙的價錢為 HK$2000 - $2500 左右. 咁你自己計一計你係咪俾人呃囉. 同埋, 我試過搵個幾個菲律賓大學的牙科博士, 覺得佢地手勢都幾好. 收費合理. 如果想要一 d 醫生的資料, 你可以 email 我, 咁我 PM 你俾幾位醫生的電話你, 你自己去問.

我又試過大陸醫院的牙醫, 當然價錢更加平宜. 我會推介你去大陸的醫院口腔部去做, 唔好搵埋 d 黃綠醫生. 有幾間都可以的. 例如深圳的褔華醫院, 人民醫院, 流花醫院, 北大醫院等等. 我可以俾地址你你自己搭的士去睇. 大陸的醫院做牙套, 一般用鈦合金做牙套料的都係 RMB 700 一隻左右. 人仔二千蚊可以做全瓷的牙套架啦....你唔好咁傻俾你依家呢個醫生呃你錢啦. 依家大陸的技術係好先進. 我都係大陸睇左幾次牙, 最近做八隻牙的牙套用左 RMB 4400. 包埋剝兩隻牙, 同埋包晒其他離費.

大陸的牙醫有一個特點, 就係你問症係唔收錢的. 正式做野先至俾錢. 唔似得香港的牙醫, 一入去就唔見左幾舊水, 咩都無做過. 我在大陸做咁多次牙的手術, 次次都打麻醉藥的, 一 d 都唔痛, 放心.

$37000 做 8隻牙套兼脫4隻牙，係香港算平啦，通常做 1 隻牙套，都要 $9000 至 $10000 ；當然不可以同朱咪咪果 d 比較喇，我幫襯深圳做一隻牙套，用德國，收 $2100 人民幣，做左 有 3 年，so far so good 喇！