好唔開心, 我應該點做??

2004年, 我是一個預科生, 在AL 未放榜前, 同一個近乎完美的女仔關係很好,經常有什麼事都夜晚約出黎傾訴, 沒多久我開始追求她,但由於知道佢讀書叻過自己好多,心裡始於有所芥蒂。

結果如我所想, AL 放榜及一個月後JUPAS 放榜後, 我的心情有如天國與地獄, 她入了HKU ( 無記錯是computer science )。而我就無DEGREE OFFER, 當時又對ASSO 沒有太大信心, 結果選擇出黎社會工作。

由於自己除了英文過得去之外, 別無其他強項, 做的工作也決不會是專業, 這四年來, 開頭做SHIPPING CLERK, 做過SALES COORDINATOR 等工作, 日間工作, 夜晚返學, 希望有一日可以堂堂正正咁搵返佢, 至今年年初, 我找到一份人工唔錯的工作, 但由於OT好狠, 加上經常要上大陸同人傾呢樣傾果樣, 實在心力交瘁, 亦覺得呢份工實在不適合一個半工讀的人去做。最後九月QUIT 左,豈料十月份金融海嘯暴至, 找工極為困難, 莫講話另謀高就, 生計 + 學費也亮起紅燈。

今日找到一份SALES 的工作, 底薪只有以往人工的三分之一, 要以不失禮的姿態去再找她已經是不可能的事。

過去一直有朋友曾批評我階級觀念重, 話我轉牛角尖我都不理會, 當時認為只要有一日我成為強者便可以。

今日才發現我的想法是錯的, 幾年黎心情抑鬱+胞受壓力,我一味堅持...拒絕一切同感情有關的事,比她靚好多的女仔我都遇過,但我還是堅持。 到頭來...沒想到我做的一切令自己更絕望。

所有心聲"已變成歷史"....



她的名字叫 Carol, 一個很好聲的名字~