養倉鼠有咩要注意??有養倉鼠o既入!

5條問題都可以答好詳細,但字數有限,唔想縮減回答影響你將來既鼠,部份內容可參考其他我回答既知識,已附上連結,謝謝!
1)咩品種要睇返你既喜好,唔怕大隻既話可以養熊仔鼠,想細隻既可考慮小紫王,呢兩隻都係比較乖既

自己覺得養男仔會比女仔好,如果可以一籠一鼠,買男定女其實唔會太大分別,可以睇返自己既喜好去揀,我自己就偏愛男鼠,男女鼠主要分別:
a)年輕既時候,的確係女鼠乖過男鼠,但好快到佢地較成熟,男鼠就好鬼馴,男鼠仲係愈大愈馴,計返時間唻講,當一生3年唻計,男鼠乖既時間較多
但一籠一鼠既情況下,其他問題不大,大多鼠鼠一隻住都較乖
b)女鼠年紀開始大時,會有類似月經既血排出,正常既話,就會好少,同得幾次,但萬一有問題,就會係陰道出血,做成呢個子宮腫瘤,冇生育過既鼠較少呢個問題
而男鼠既生殖器冇咩特別既毛病
c))鼠鼠發出氣味既腺位,男女鼠都有既,但男鼠較易有腺塞既問題,呢樣要睇醫生先處理到
d)男鼠比女鼠臭
e)買女鼠有機會買到隻已懷孕,我試過一次,之後真係怕怕

養鼠鼠當然最好係一隻,倉鼠係獨居動物,唔慣同第隻鼠一齊生活,一齊住易打傷打死,唔傷都易因壓力而生病,半夜打起上唻,真係死晒都冇人知,建議一籠一鼠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)就算唔打傷打死,都會感到壓力,壓力會誘發甩毛肚瀉等疾病
f)一籠唔止一鼠,仲會較惡,特別易咬人同比較難同主人熟
g)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2,3,5)揀鼠要留意既事,用品資料及飼養方法可參考以下我回答既知識:
http://hk.knowledge.yahoo.com/question?qid=7008080502780

4)其實只係俾混合主糧同時都可以加d鼠專食既牧草or草磚已經好足夠
而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

一般正常情況下,並唔建議俾鼠糧糧同草以外既野俾鼠鼠食,除左以下呢幾個情況:
a)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
b)若鼠鼠瘦弱生病,就可以食白麵包or麥片去補充營養
c)如果冇晒糧又未買得切,就可以暫時以白米代替,但都要盡快買返糧
d)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
a)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
b)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
c)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
d)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

2008-11-15 23:51:07 補充：
而家天氣較涼,仲要記得買鼠棉,不過最好等天氣暖d先買鼠,咁就冇咁易有感冒or唔慣而唔用鼠棉既問題
凍天要留意既事可參考以下我回答既知識:
http://hk.knowledge.yahoo.com/question?qid=7008100902392