公屋輪候-彩雲(一)邨

白鳳樓約２４－２８層，頂樓情況不知道，但估計都熱卦。
小學(全日)有彩雲聖若瑟，口啤不錯，本人補習學生在此讀，但功課量多。
聖若翰、陳南昌夫人，但不知是否全日制，sorry

本人自住彩雲村，自問非常喜歡，原因見下﹕
１）近地鐵，樓梯那條路雖靜但快，夜晚可選行時雨樓方向，行天橋路絕不成問題，燈火通明，有升降機，時間約５－７分鐘；下行３分鐘搞掂！
２）配套充足，牛池灣街巿大且便宜（正！）；想近一點可以去一期街巿，貴ｄ細ｄ，但好近，步行只須２－３分鐘；坪石彩雲都有百佳。
３）空氣好，如果望MTR方向，非常開揚；
４）巴士去油尖旺、紅磡、觀塘、西貢、清水灣都方便，小巴去荃灣，又有室內運動場。

2008-11-18 01:21:27 補充：
Ａ）白鳳樓是最近ＭＴＲ的一座，毋須搭小巴；
Ｂ）最近小學是聖若瑟，３－５分鐘路程；聖約翰在對面，有天橋直達；
Ｃ）同意pwing123 ，如果不是近垃圾站或超低層，應該要，而且彩雲是市區，很難得，雖不是很新式，但住起來很舒服，如果抽到新公居，租不會貴很多嗎？（Not sure...)
D) 下一次局住要，咪掣！

九龍區新建的公屋很多都係比重建及調遷用, 給申請表輪侯冊的人很少, 你要慎重考慮, 除非你要油糖 或等幾年, 等蘇屋村, 牛頭角下村, 或啓德的新樓.

我知彩虹村的基華小學係全日制, 聽聞係名校, 但不容易申請, 而且要參加很多活動, 你可研究一下.

如果是我的話, 我一定不要, 因為太舊了, 有排 裝修, 我的朋友都上了樓, 但他們全部都是新屋的, 例如: 南昌附近, 去過他們家, 真是很靚, 環境不錯, 又近地下鐵, 我想他們算幸運了,

先唔講要唔要呢個問題，睇下背景資料先:
彩雲邨於1976年以移山填海的方式興建，於1979年落成。本邨可分成一邨及二邨兩部份。屋邨發展初期只有12幢相連式大廈，即共有24座大樓。由於鄰近舊啟德機場，所以屋邨受到高度限制，最多只可以有26層高。另一方面，由於彩雲邨所處的地勢較高，雖然即使大樓的樓層不多，但仍較當時九龍區的同類屋邨為高。彩雲邨最大特色是於二期商場種了一棵大柳樹，這樹是屋邨落成時種植的。




白鳳樓
雙工字型高座於1981年建成所以估計白鳳樓應該只有26層
白鳳樓近山邊，行去彩雲既街市一定較其他樓遠，但一定比其他靜，多數人番工都會坐MTR, 所以反而順道會係牛池灣街市買野，因為街市裡面D野都幾齊
最近地鐵站係彩虹，可選擇坐巴士, 小巴到MTR (勁多車選擇，5分鐘內到)，即使你想慳錢，行去都得，約10分鐘。
頂樓一定較其他樓層熱，仲要注意既係住頂樓既話，要小心天台地台做得唔好既話會引致頂樓個天花漏水，石屎剝落等問題，但因為彩雲邨起左咁耐，有冇問題都出現晒，你睇樓時先留意呢CHECK天花。
最近的全日制小學應該係聖公會聖約翰小學
睇晒所有野，你要諗既係小朋友番學有冇影響(要唔要轉校)，你屋企要番工既人如果坐MTR番工都唔覺得有問題既話，最緊要係到時睇屋個時，如果唔嘈，唔會近垃圾房，隔離屋(如果睇到既話)有冇古古怪怪，如果以上所講既都冇問題，我會建議你要，因為今次已經係第二次，到第三次配房既話，你如果有住屋需要既話，我諗房署派咩屋俾你你都一定要，所以其實第三次配既屋即使唔多鐘意你都一定要應承，所以如果第二次既屋係冇咩大問題，就最好要左佢，你要明白公屋大致上都係咁上下，最多住落發現有問題先申請調遷，否則你輪左咁耐唔通到而家先放棄由頭排過。