男性如何修胸

可否先描述你現時的整體情況，例如體型，身高體重，胸膛的情況？

單單睇你的發問，唔知你究竟現時如何，好難幫你。

2008-11-15 15:49:04 補充：
其實一般男士都唔需要刻意收胸的，因為男士的胸肌要刻意練亦不容易；當然你問得，我亦試下幫唔幫到啦。首先，我估計其實你並非 "胸肌勁"，而係肥胖引致脂肪積聚，驟眼看好似胸大。

要糾正好簡單，只要減肥就得了，離不開做帶氧運動，例如跑步，游水，向上行樓梯 (行就得了，不用跑) 等等。平均每星期三次，每次 30 分鐘或以上就可以了。當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。
而且做帶氧運動自然會全身消脂，包括胸；相反，世上沒有<局部地區成減肥>，一減就必然係全身減的。
就算你真係胸肌大都好，多做帶氧運動係會令肌肉變結實而縮小的，一樣對你有幫助 (不過都係句：我估計你的胸膛只是脂肪，不是肌肉)。

做帶氧更可以順便改善體能同心肺機能，強化骨骼，一舉數得。

不過，假如屬超磅的人士，就不建議跑步了，跳繩都唔係咁安全，否則可能會令膝蓋慢性受損的。集中練向上行樓梯吧，一來唔怕傷膝蓋，二來減得更快 -- 不過亦更辛苦。

在家裡亦可以減肥的：搵一張穩固的矮凳，然後不停地踩上踩落，亦係每星期 3 次，每次 30 分鐘或以上。

除此之外，做點掌上壓亦有助改善胸腔的 shape，令該部份結實一點，而且又不怕令胸肌變大 (掌上壓係好基本的鍛鍊，好難用來增大胸肌的)。

飲食方面，就算你要減肥都好，都絕對不可以用節食或減非餐單！一定要吸收多點碳水化合物 (飯，麵，麵包) 及蛋白質(蛋，肉，魚，奶)。前者提供能量，後者幫整體健康和發育，缺一不可，否則會無精神，影響發育，老了更可能會骨質疏鬆，況且無人希望連該大的地方都唔大吧？
你亦唔需要刻意戒口的，只要減少食油就可以，唔係話完全唔食，因為油脂都係身體必須的營養，只要少少地就得了，最緊要烹調方式清淡，盡量避免煎炸等等。
最後要記住：世上無一次過搞掂永不反彈的減肥方法，做運動同均衡飲食都要持之以恆，否則他朝都會反彈的。