4個月BB可以食粥仔未?

(1)四個月bb唔好食粥仔住. 因為消化系統未發育完善, 未必可以好好地在粥仔內吸收營養, 食奶吸收的營養最好. 出牙是個明顯的信號等到bb 開始出牙了就可以考慮讓他食粥, 糊仔及生果. 先讓他小量試一試, 再觀察他的大小便有無唔正常. 如果肚瀉, 嘔吐就要即刻停. 如果正常就慢慢加大份量. 但不要停止食奶, 奶才是吸收得最好的食物.

(2) 可以煮魚/雞/豬肉加蔬菜熟後磨爛混入粥一起煲熱.
(3) 日本明治的麵包粥無問題, 不過要先試小量, 個bb都唔同. ^^
(4) 唔比bb食糊仔都無問題, 咁就食多d奶同粥(如果可以食粥), 奶就一定要食!
(5) 可以刮蘋果, 鴨梨, 啤梨比佢食, 6個月後, 開始試下香蕉, 橙, 提子等等, 都係先讓他小量試一試, 再觀察他的大小便有無唔正常. 如果肚瀉, 嘔吐就要即刻停. 如果正常就慢慢加大份量.
http://blogs.mysinablog.com

最快5個月先食得粥呀 開頭係食個味 最快到6個月先可以加其他料 個個bb消化唔同 我個b 6個月已經俾魚肉同碎肉煮粥食 消化到 有d bb唔得就要將食物整到變蓉,最好唔好食糊仔 糊仔好熱氣,我個b都冇食過糊仔,生果都要整到變蓉先吃得 如果你怕麻煩 可以買1罐罐即食 方便好多,又1罐有幾種生果既營養 我都係俾阿b食即食果d 好味d bb易入口 因為有d生果我地覺得唔酸 但bb都覺得酸唔肯食 都係果句 慢慢試 個個bb都唔同

其實4個月bb主食都係奶,固體食物由6個月先開始會好d,
bb太細抵抗力同腸胃都未咁好,
如果你真係想俾bb試,可以俾一兩啖蘋果蓉or蕃薯蓉佢試,
粥就真係大過d先啦!就算第時煲粥都緊記唔好落調味料,
因為bb唔可以吸收太多鹽份,我地覺得冇味,但對bb黎講已經好夠,
而且每次只加一樣材料,食一星期都冇敏感先好試第二樣,

我個仔6個月先開始俾固體食物佢食,
初頭個月我都只係俾d蔬果蓉佢試,
例如薯蓉,蘿蔔蓉,南瓜蓉等
之後開始加小量純乳酪or鮮奶,
糊仔就一直都冇食過!
到8個月先食爛飯粥+蔬果蓉,
同開始試食豬肉同魚肉,
到一歲就可以食好多野啦!

最好６個月~~~~
ｄ英國ｂｂ食品都有寫”醫生見議最好６個月先開始比ｂｂ食其他食物”

一般BB 4至6個月都可以開始嘗試固體食物，最初只係比幾啖佢試下，等佢習慣一下回體食物既感覺
如果你係自己係屋企煲既，可以用魚、豬、雞、紅蘿蔔粟米等等，開頭既個幾月其實都係試味，所以所有材料都唔會食番，淨係食D粥同D味架姐。而且粥要稀D，等佢正式可以食固體食物既時候先慢慢比D杰既粥佢食
你所講訂既麵包粥我就唔知係咩喇...
糊仔其實同粥差唔多，不過因為為左方便，唔使自己煲餐食，所以先出可以即沖既糊仔，所以唔食糊仔都冇問題既
生果既話，最好就係蘋果、香蕉同橙，將生果整成生果溶黎餵，避免飲果汁。到六個月之後大部份既生果都食得架喇，不過就記住唔好比雪凍既生果比BB食，冇益既~

2008-11-14 14:49:18 補充：
仲有一點就係當你比BB食粥仔時，記住唔好驚佢食到悶就成日轉材料，咁樣BB會唔習慣既。最好每種材料都要連續食三四日以上先好轉另一種，咁樣BB先適應到