做過爆肺手術坐飛機有無問題? (唔要d行野資料,最好係e生護士/經驗人士)

太資料性既野你上網或睇另外兩個回覆都可以睇到, 我就只跟你分享我個人的意見吧!

我情況跟你差不多, 正式爆肺入院既有3次, 未計好多次明知自己爆左少少由得佢就算... 第3次差不多已經係2年前既事, 果次先做痴肺手術.

你仲記得手術之後護士教你做的練習嗎? 其實不過是小朋友時候學的深呼吸, 目的就係令你個肺盡快擴張至本來應有的尺寸. 因為手術後整個肺會縮小了許多, 而手術既概念就係將你個肺同胸膜整損, 再令兩邊既傷口貼埋一齊並癒合. 所以手術完成後如果你唔做練習, 個肺一直保持縮細左既狀態, 一來你以後個肺容量細左, 二來你個手術做左都無意思, 因為根本無痴埋一齊.

可能當時你會覺得好辛苦/ 好無聊而無點做過, 但出院過左一排之後我就知其實真係好有用. 頭幾個月既時候都仲有爆肺時果種痛, 可能就係因為我無做好練習吧! 之後我嘗試每次痛既時候都用力吸氣, 忍住, 你會發覺多左一種好似傷口果種痛, 但過一陣間就會減輕左爆肺果種痛. 相信你明白分別在那裡吧!

就這個"吸氣, 忍住"既練習, 我持續左差不多年半時間, 日子越耐, 必須要再做既情況越少. 但請注意, 偶然跟朋友玩過通宵之後就出事了, 痛的情況又見嚴重, 之後便要接連數日早早休息才回復過來. 你總該有問過醫生氣胸的成因吧! 他大慨也是告訴你是天生吧! 那就不得不承認我們的體質是比一般人差吧! 雖然是很老土的說法, 但大家也是過來人, 認命吧! 基本的健康生活再加上持之以恆的練習, 就已經是最好的治療方法.

說回你讀書的事吧! 大慨你跟我同樣問過醫生什麼事不好做, 當時答我的醫生很有趣. "都係果d啦, 跳傘潛水可以咪唔好做囉! 高原果d可以咪唔好去囉! 咁飛機果d係唔好架喇, 咁但係你都總要搭架! 自己小心d啦, 真係唔舒服咪唔好搭囉!"

好唔認真既說話方式.... 但係事實呢! 佢應該有話過你知做完手術後, 再爆既機會得5%左右,(雖然你已經再爆....) 我個人認為你就為左呢5%而影響你自己一生嗎? 必須要做既事終歸必須要做, 距離2月仲有一段日子, 你就好好地做好練習, 養好身體啦! 但你始終做完手術後再爆過一次, 我覺得你都係再去覆診一次先, 安全d麻!

氣壓無可否認是會誘發氣胸,所以氣胸患者絕對不宜進行跳傘或潛水等壓力驟變活動,過往亦曾發生玩跳樓機誘發氣胸的案例,所以氣胸患者不宜到海拔高的地方,最近歌星謝安琪到Norway登山後發生氣胸就是最佳例子，本人二十年前發生多次氣胸，早幾年到馬來西亞旅行，搭車上雲頂，巴士抵達雲頂時胸口已有些少不適，幸好最後無事，至於搭飛機的氣壓問題，飛機倉內已經減壓，問題應該不大，加上你已做了痴肺膜手術，等如買了保險，但始終不能絕對保證，始終是博與不博的問題，最麻煩是於飛機上發生氣胸，會有生命危險，外國亦有些氣胸患者成立的網站，最常討論就是搭飛機的問題，你可參考

http://www.blebdisease.com/forum/viewtopic.php?t=80&highlight=flight

P講得好對

其實都係睇你搏唔搏得過既啫
老實講你幾時爆冇人會知
就算係只有1%會爆咁都有機會
爆左最大既問題都係你響個邊有冇得醫
畢竟去左外國做外國人有保險醫咩都貴過人
睇病真係會麻煩好多

你痴過肺都再爆
我真係唔知你依d情況有幾適合搭飛機
或者再有幾大機會爆過

其實所謂既兩年
都只係睇番你既情況係唔係穩定
兩年都冇爆過穩定就基本上係冇事
但係唔穩定就可能小小事都會爆

我諗你第四次爆都係冇咩原因
咁搭飛機氣壓係一個明顯既誘因會令你再爆
而痴肺其實都唔係100%有效
如果情況嚴重有可能需要翻做

你應該有個醫生係睇開既
咁就不如問番佢
如果係公家做就睇番公家醫生睇番紀錄個手術做成點
係唔係有需要再痴過咁樣

如果醫生睇過覺得你都係冇咩問題可以去既
咁你最好聯絡好澳洲個面安排醫療接應準備番
大吉利是你真係響飛機爆左咁飛機都會有氧氣比你
不過落左飛機你都係要睇番醫生
如果爆得好緊要要插喉既話就更加唔到你落機先慢慢搵……