其實什麼是朋友?知心好友又是什麼?

答你問題之前..我想先講左我並唔係天瓶座..
其實我覺得識朋友唔一定要睇星座..
雖然話同一個星座好似咩都夾D..做野又夾..講野又夾..
不過其實每個人都有佢自己唔同既性格..
但係呢樣野唔關佢星座事架..
性格係佢一路成長..經歷過好多既事...而培養出黎..
我都識一個同我同年同月同日出生既人..
但係..其實我地性格有好大唔同....呢個係因為大家成長路唔同.
我反而同其他星座既人 friend D 添..
所以..我相信..你都可以同一D唔同星座既人好 friend..

答返你問題先啦..如果我冇會錯意..應該係你有一個好好既friend..
但係因為你成日推佢唔同佢打波..所以佢就搵第二個朋友..唔理你..
但係其實你好關心佢既..係咪?

首先..我諗你個friend應該都係天瓶座啦..如果唔係你都唔會第一句就問大家係咪天瓶座..
我相信..你會好珍惜天瓶座既朋友..所以..你特別唔想冇左呢個朋友..
咁我相信其實你同佢都已經有一定既感情..
既然有基礎既感情..咁你就唔使太過擔心..因為起碼唔會去到絕交收場..
不過..我首先要問問你..其實你鐘唔鐘意打波呢?
定係因為只係怕人地笑所以先推左佢?
如果你本身都只係麻麻地鐘意打波..其實你可以直接D同佢講..
如果佢真係當你係好朋友..就唔會迫你做你唔鐘意既事..
如果你其實幾鐘意打波..但係怕人地笑而推左佢..
呢個其實幾正常..因為任何人都唔想比人睇到自己差既一面..
不過..你要諗諗...你學邊一樣野都好..永遠都係由最低層學起..
就好似溜冰咁...你一開始點都要趺幾次..
雖然..趺既時候會比人笑..但係你後來會發現..
你溜冰既技術會進步左..呢個全因為你唔怕趺..
就好似打波咁..一開始冇人天生識打波..
佢地都係要人教..學打波既過程中..總係會有打得唔好既時候..
但唔可以就咁一直因為打唔好而唔學..
所以..如果你真係鐘意打波..只係驚怕人笑..
我建議你..其實可以請教下你既朋友..又或者一D打波叻既人..
與其因為一直怕被人笑而推朋友..
不如試下學打波..打得唔錯既時候就唔使成日推左朋友..@_@..
或者你可以約朋友到一D平時冇咩人既球場一齊打波..
咁就算打得唔好都唔怕比人笑...

我相信你好關心你位朋友..所以..為左維持你地既關係..
你試下學習打波..將來一定會有收成..@_@

答返你標題條問題啦..
朋友係咩? 其實朋友都可以分好多種..普通朋友..好朋友..
普通朋友..我將佢界定為唔算太友好..
但見面既時候都會回點個頭 say 個 hi .....
而好朋友..我將佢界定為你悶既時候搵佢傾計..
分組又會一齊既人..同你都幾親密既..

而知心朋友呢...唔一定要俱備以上條件..但一定要有一樣野..
就係識聽你既心..例如..你講第一句..佢已經知你第二句係咩..
佢知道你鐘意咩同唔鐘意咩..你有困難既時候會盡力幫你..
傾計唔一定要好多..但感情一定要深..
起碼要知你既心諗咩..如果唔係何謂「知心」朋友呢?

要搵個知心朋友好難..因為你要同佢分享心事..
佢又要了解你心裡面諗咩..所以..一個知心朋友..
係好珍貴好珍貴..如果你個朋友係你既知心朋友..
一定要好好珍惜佢..

ps.雖然我仲諗緊你問題中點解會有一句「我又唔醜過佢」..
但係..我順帶一提..識朋友..唔係用眼睇..
而係用「心」睇..

朋友一般見面認識也是,
妤朋友;大家往來互相問候和關心,
深交朋友;時間長久互相了解,
知己朋友;談何容易,千金易混,知己難求,真正能夠做到,而不為回報,
本人巳是長者耆英,過去所有那些朋友,只是為利益和我稱兄弟,知己
朋友,求助於我,過河拆橋,更反客為主,
凡事客觀,用另一方面來分析,祝你妤運.