我愛既方式有錯嗎!?

佢唔信好正常wo
睇呢你都寸得佢好嚴重下wo
佢畀人寸又點會開心呀
佢又點會信你lee d 係愛呀

你宜家表達咩都無用ga la
你用誠意口吻,加上內心o既誠意,再用浪漫o既方法,叫佢畀機會你改過啦
佢唔畀機會你都無辦法喇
如果佢畀機會你,
以後唔好寸啦

如果你送野讚佢,你之後又寸佢
佢開心左一陣,之後咪又係唔開心
又係對你不滿ga ja

唔想寸人,有一個方法,
你講野之前,用下個腦,由對方出發點去諗,思考清楚你o甘講野人地會覺得點會畀咩反應你,寧願你講野打野慢d啦,好過得令佢不滿呀

其實就算佢唔畀機會你你都要改啦
你真係要以後都唔好寸d你唔想對你不滿o既人
無人想畀人寸ga
你寸人地 人地就有可能對你不滿ga la
就算你同邊個一齊,正常情況下,無人會頂得順你d寸功
雖然你個心唔係o甘諗jer,就算人地都知你無心,但始終人地條氣都唔順呀,咪又係唔想理你

其實你只要同佢認真講一次,
你係度post既心聲,
佢就會明白佢同你相處之間,
這叫默契!
令人都有唔同相處方式,
好明顯佢都喜歡你!
解釋一下就冇事!

由於一句 "怕比人察覺", 令本人有些疑問你們的關係是已拍拖? 還是未正式公開拍拖呢? 假設係第一類已拍拖的話, 關心女友好應該, 怕什麼比人知? 如果係第二類的話, 咁你哋一齊幾耐呀? 又或是你們是學身份? or 工作上的同事身份? 這會間接影响作答幫你.
假設你們已是一對, 對女友作出任何關心的行為, 絕對是正確及需要的, 反過來說, 如果佢對你毫不關心, 同你講嘢都以串你的方式, 你會開心嗎? 你覺得佢這種所謂溝通方式有沒有問題? 會否因為經常串你, 令你懷疑有第三者出現? 在人前人後都以串的方式跟你溝通, 你會否有羞辱的感覺? 會否覺得佢唔鐘意你才成日串你? 現在你應該大致上明白她的感受吧!
串的口問不是好習慣, 現在是女友, 可能久而久之對任何人都會用上這種口問, 這樣沒有人會喜歡的, 因為串係需要學問, 身家, 背景, 權勢等... 普通的串人亦真的要比人樣樣優勝, 真才實學, 否則被人反串時, 無面的還是自己, 所以串的口問是要改的.
所以個人認為你未必係串而係以開玩笑單單打打的形式溝通吧! 在正常情侶之間常有, 但通常一句起兩句止, 這樣還可接受, 但如果你係一開口就單單打打, 還有10句有一半以上都係咁講法, 就好大問題, 因為佢唔係你肚裡面的虫, 怎知你那句真那句玩, 加上如果你們拍拖日子很短的話, 久而久之, 你無端端會變成大話精, 你所講的自然沒有人相信, 點解? 同你講嘢都要估估吓, 不如你又估吓佢係咪日日分分秒秒都有心情陪你玩?
情侶間起初拍拖可能有開玩笑的單打情況, 但日子久了, 就會覺得悶和累, 加上情侶間是需要真正的溝通才能建立互信關係, 所以你應該要改變一吓你的溝通方式.
有時一個擁抱一個kiss, 就勝過說話, 或者你可以將心裡的說話以msn 的形式, 每日一句, 嘗試做一個聆聽者角色. 如果真的不能控制自己口問, 嘗試唔講嘢5秒, 再開口答, 先講重要認真的事... 這樣一定比一開口就"串" 會好很多. 不妨與她真誠對話一次, 在她面前承認自己講嘢溝通有問題, 請佢唔好介意, 話自己學習改善, 若做得不好, 請佢提示你, 話自己唔會介意佢的批評, 咁樣誤會就能減少, 同時獲得她的尊重, 亦讓你們建立互信關係.
GOOD LUCK! 希望幫到你!

久不久送花（其實１－２支都得）或送小禮物如小盒糖果、朱古力、頭飾就可得到女方歡心，不要以為是肉麻和做作，女孩子就是這樣的，你試吓好唔好！平時好像唔覺意又讚她二句，好受架！