✔ 最佳答案
廁所及廚房水氣重天花做油漆會比廳房快剝落,用番原有灰底剝落情訪很快重現(只會白做),剷底批灰做油不加長談,因為天花位置批灰很難做得靚,就算請師傅做都末必一定做得好,不如改做鋁質假天花,施工期短,做工簡單易清潔,耐用價錢和做油不貴太多......
做工程序:
先用化白水或起漆水在天花油面掃一兩層,待看見油面變軟可用漆剷輕易剷起(約半小時左右),約油面剷不起多掃幾次(如不想批灰起油時不要剷得太深)。
起油完成後等灰底乾透,用砂紙撇至平滑(可用光射向天花看有沒有波浪或凹凸面)如凹位太深要批灰填平。
批灰完成後油上光油底作防潮之用,光油乾透可上面油(用膠質重的油會耐用一點)如乳膠漆,多合一護牆漆等,上面油時,開油不要太杰,掃油時薄一點多掃幾層,乾一層油一層(約三至四層)乾後掃路會較小,如掃油時有流眼戾或不好看的地方,可等油乾後用砂紙撇平再油
[如不是全屋番新,都是改用鋁質假天花吧!]
最簡單就用化白水加清水搞7婦上天花就容易剷好多, 之後再用凡立水加節水油一層, 最後就油面油便可.
厠所是一個很潮濕的地方, 因為浴室關門後基本上是密封的, 加上你沖涼時, 所產生的大量水蒸氣, 令室溫有所變化溫度上升, 就會形成水份, 導至天花及牆壁濕淋淋, 雖然開抽氣扇可以抽走了部份水蒸氣, 令室溫變化無咁大, 溫度就唔會上升咁多, 濕氣就無咁重, 但年月後天花板的灰層及漆油都會脫落, 所以安裝鋁質假天花是一個很好的選擇, 因鋁質假天花是不會生秀及脫落的, 現時的鋁質假天花的造價約為$1,500元, 最少可以用十年八載, 用舊了又可以清洗都可以說是一勞永逸.
無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 剷底
2. 油防潮底漆
3. 批灰
4. 打磨平滑及淸理乾淨
5. 油啞白底漆一次
6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.
搓灰程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合
注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充.
2008-11-12 08:22:09 補充：
用化白水加清水搞和後掃上牆之後, 等幾分鐘讓它滲入灰層後便可剷除, 如之後覺得難剷可以再掃化白水後即刻剷除灰層.
凡立水加松節水(即光油) 油完之後要等8-12小時先會全乾.
油啞光漆會好d, 唔油都ok.
