如何改善沉迷網絡的習慣

其實你仔仔讀中幾?因為初中(s1-s3)同s4以上就唔同睇法了
我假設佢係中三以下
你一定要轉移佢既興趣
最好既就真係陪養佢玩運動，各式各樣既都俾佢試,唔一定要同家人一齊去做運動,可以睇下佢同學而有冇某方面運動出色既,叫佢地自己去玩
唔得既話,
要留意下佢除左用電腦黎玩網上遊戲,仲有冇其他野玩
例如煲劇集呀,聽歌呀等等
如果佢好中意聽某d歌,你亦可以叫佢玩音樂
呢家既年青人多數對樂器(吉他,打鼓,電子琴)唔抗拒,仲好享受,因為佢地覺得學以上樂器有型,追得上潮流既,係怕家長要消費下,因為樂器班收費不低(真係學既就學吉他啦,學識個頭可以自學落去!)

至於成績方面,除左叫佢去補習社,你可以試下請私補. 可能一開始會佢會抗拒上門補習,但如果想佢真係成績改善,單對單補習最直接.
補習社notes固然精明,導師亦學歷過人,但係成班朋友一齊補而又冇人睇實,加上你仔仔服從性不高既情況,可能真係吸收不大
當然,千萬唔好無啦啦取消佢原本補開既補習社,一時間太大轉變,佢又會發脾氣了.

另外,家長本身同子女關係亦好重要,如果本來關係較疏離,仔女自然好多野唔聽父母話,反之亦然. 你要試下搵下你同佢有冇共同點,eg.其同興趣/話題.談到輕鬆既話題時,父母最好可以放下身份,同仔女嘻嘻哈哈,有傾有講有笑,咁樣佢地會當你好朋友(當然亦當你媽媽)咁重視, 中意你多d就會好多野都遷就你多d

試下以上方法先,唔得既話,我會盡力再提供其他意見

沉迷打機真的很可怕
我自己都試過
最沉迷那段時候試過連續打30個鐘(計埋食飯
食飯係部腦前面 朝早未訓夠都自動起身開機

我覺得沉默左打機果D人
情緒係會比較暴躁 所以你唔可以一野就斷晒唔比佢玩
佢有機會拎刀斬人

另外 你所指既以親情及鼓勵打動他
我覺得你個仔要有返咁上下年紀呢招先會有用
你話佢剛剛上到中學, 我諗應該仲係中3以下
通常開始諗呢D問題都係中4既時候
所以 你用親情是無可能打動他的
其實由細個就唔應該比細路仔掂咁多機
因為要戒真的好難

如果佢都警覺到自己成績差 有心戒既 都話有方法可言
如果佢冇心戒既 真係只可以出'偏招'

就咁睇落去 我覺得你應該屬於"善良形"的爸爸OR媽媽?
我覺得由而家開始.你要係佢面前變惡
管佢一日只可以打幾多機 同溫幾多書
or 打左幾耐機就要溫返幾耐書
佢當然會唔聽or發脾氣
你可以係佢打機果時關左個電掣佢 然後再鬧
或者夠鐘就鎖住個keyboard 唔好俾佢玩
當然你要好認真好黑面咁做 (有幾黑面得幾黑面)
唔好加句 我為你好咋!
一定要惡先禁得住佢架啦
最好同佢講 唔聽既就一個鐘都冇得打

不過等佢成績好返
要比返多d自由佢 (當然仲要有限制啦 你自己衡量
免得傷害屋企人關係呀

其實我另外仲諗到個方法
不過真係太賤了 所以唔打出黎啦=.=

你要知道你唔做狠d
佢都唔會感激你 佢會覺得係當然
打機係當然 唔溫書係當然

至於參加課外活動
我唔明點解咁多社工認為呢d對戒打機有用
一個已經沉默打機既人
根本唔會對咩課外活動感興趣
放左學都想一枝箭飛返屋企打機~仲會參加咩

點都好, 我都係打我覺得可行既方法
因為關乎到你個仔將來的前途
越早幫他戒到越好

2008-11-17 17:08:18 補充：
記住　一個字：狠！

2008-11-19 18:33:27 補充：
打得機多個人真係會易暴躁D
當然你們家人也不要給他太大壓力

2008-11-19 18:35:18 補充：
聽你咁講完
我覺得而家你應該去了解下佢鐘意咩,想點
不過唔係以"母親",
係以"朋友"角色

你大可安一個禁止上游戲綱的軟件就像圖書管那些,你到百老匯,電腦店問問有否那些禁止上游戲綱的軟件,再報一些興趣活動使他想到機
鋪玩也不行。

我勸你lock左部機

我也認識了一些比我年輕的很要好的朋友有這個問題, 縱然我很想幫助他們, 但作為一個非親非故的人, 無論如何游說, 效用還是有限。

就算想透過其它健康的娛樂活動分散他的注意力, 結果仍是適得其反, 因為他回家後仍會撥出同樣時間去沉迷網絡。

其實我知道, 最能影響他的人, 是他的家人。

若果一家人同心協力, 是有可能扭轉這種困局的。但若有一個壞的榜樣在家, 便有如破冰之難了。

閣下應該是一位母親吧。從閣下的記述, 也相信閣下必定是一位慈母。

但遺憾的是, 對於很多人來說, 受寵愛, 是難以學習珍惜的。當他們輕易得到所想要的物質後, 他們反而會輕視供給者。

但! 若然提供的, 是心靈上的需要, 大多數的人是會珍惜的。

作為母親, 能表現親情的, 不單是提供基本物質所需, 更重要的是, 瞭解子女, 傾聽心事, 陪伴他們成長。

閣下可以嘗試養成習慣, 經常和兒子一起出外散步, 一起旅行, 一起談天說地, 盡力把兒子的心事汲引出來, 然後, 灌輸他正確的人生觀, 定立正確而清晰的人生目標, 讓他心中有智慧。到他學習了明辯事理, 便較易跟他談論沉迷網絡的問題。

以上乃長遠之策, 在此之前, 要有短線策略:
1. 電腦要放在全家人的視線範圍內 - 否則, 當他被暴力和色情嚴重荼毒時, 真是返魂乏術了。

2. 爭吵的確多數沒有好結果, 這點閣下已做到了。但, 忍讓卻是一條不歸路。惟有態度堅定, 意志堅定, 才能動搖孩子的心志。說是就是, 不就不, 任憑嘮叨, 理在己身, 定當堅持, 不用多言, 只需默守。

3. 作為父母的, 自己沒有明確的人生觀, 孩子嘮叨時, 或反叛時, 總是拗不過, 這是大有問題的。因為既然不能以理服人, 不順應孩子的意思, 只會讓他覺得你不合理, 順應他的意思, 也是後果堪輿。

所以, 閣下可以珍惜還有的智慧和心力, 閱讀能助人明辨事理的書籍

有感而發, 請恕在下多言

以家見到Ｄ細佬打機真係好離譜！
你可唔可以試下陪養佢玩運動，
又唔會悶，　又強身健體，　又可以學習同別人相處．
面對困難！又或者一家大細去行山遠足，
等佢返到屋企散哂，　唔想打機掛！