12月去韓國應該著d乜

韓國係寒冷的地方,室內一定有暖氣,所以不必穿很多衣服打底,反而外面的大褸好重要,羽絨褸又輕又暖,是很好的選擇,可選收身式樣一類,就不至於成隻糉咁,最好長身的,好睇又暖,在香港時不必穿上,捲起包實,放進行理都方便。
至於鞋方面, 旅行社說得沒錯,著converse一定跣死你,因為天氣冷,零度以下,就算唔落雪,地面都有"黑冰"(看不見薄薄一層的冰),跣死都唔知咩事,所以要著厚底靴,最好是靴底有坑紋的才不會太跣,而且厚底靴暖一點,這樣腳趾就不會凍傷。安全起見,沒坑紋,尖咀尖跟的留番香港著。
這是我在加拿大往了多年的經驗,我亦曾在Christmas 期間去過韓國,情況其實同加拿大相同,同樣咁跣。厚底靴有些都好型好靚,不過都係小心為上,跤一次好傷吓。

2008-11-14 22:51:11 補充：
忘記了解釋,不必穿很多衣服打底是因為入到室內會很熱,到時先除衫會好煩如果係著係底,根本無得除；還有,記得一定要著厚長襪,亦要帯手套,頸巾等等。

希望你旅途愉快!

羽絨褸、厚冷衫(或Fleece)、打底褲、手套、頸巾、帽、行山靴。已很足夠了。

我覺得如果你係去滑雪, 到時你就會借佢的衫啦, 又有鞋的, 所以我又唔係覺得值得擔心, 我之前去都係著converse 去之ma, 十二月會凍, 但好多地方都有暖氣, 你仲要跟tour 的, 車上車落, 車上一定有暖氣啦, 食飯呀四維都有, 所以你又唔使咁擔心, 係....去玩的時候會凍, 羽? 一定要, 但又唔使著到成隻糉, 唔使咁誇, 如果你去哈爾濱個d 地方, 零下廿幾三十度你咪死, 都唔知到時可以著咩....唔使咁擔心喎, 最緊要舒服, 開開心心咪得lor

羽絨一定唔少得架喎?要型、或者你著大褸啦! 咪要靚唔要命呀!
至於鞋:爬山鞋(Timberland),要型、著厚底boots啦 - 如Dr. Martin之類啦!