我女朋友o係酒吧做~成日都食煙同飲好多酒~我好驚對個bb有不良既影響~我本身都係讀醫療既~幫過好多腦性痳痺同發展遲緩既細路做治療~真係好陰功架~父母又會變得好大負擔~
我經濟上係負擔得起我女朋友既~我成日都叫佢唔好做~但係佢又鐘意飲同埋又唔捨得返工果度d friend~唉~我都俾足佢自由啦~只係佢包同我頂頸~我都同佢解釋過~不過佢仍然有返工既衝動~
我知佢好心煩~因為有bb果個係佢~不過我身為佢未來老公同bb既爸爸~真係好想盡下責任~家下佢甚至仲唔俾我o係佢面前提起bb之類既相關詞tim!!一提佢就話我令佢好煩~唔想同我講野~佢仲話覺得我好似一d都唔煩~其實我個心真係好亂呀!!
到底我應唔應該全力阻止佢返工呢?我又怕佢反而會憎左我!!
尋晚又因為一d事同佢嘈交~我真係好後悔o係佢咁煩既時候又令佢唔開心~ 佢而家想同我分手~落左個細路去~佢叫我以後唔好搵佢... 我覺得佢既態度好突然~係唔係佢壓力太大諗太多~每次想同佢分憂佢都拒絕我~ 我好驚佢真係而家先同我分手~佢話我同佢做返朋友算...我成晚都冇訓到~家下真係好難受~好傷心
唉~今朝我有msn俾佢留言~照001既做法等佢知我對我地既未來有咩野大致上既期望同計劃~不過我而家都係未敢打電話俾佢~尋晚佢話如果我打俾佢佢即刻換手機no.~佢企得好硬~同佢傾到凌晨差唔多4點~今朝我又要一早7點幾起身返工~我覺得我而家已經失去左良好既判斷力喇~甚至想雙方都冷靜一下~雖然佢一直話自己好冷靜~但係我又一d都睇唔出~
就算佢真係覺得而家落左去會好d~我都會支持佢~最多以後再努力過...不過唔知我既心意有幾多可以傳到佢內心入面~佢之前其實都有答應我新年之後就唔再做呢份工~而且明明前幾日佢都仲係好愛我~但係自從驗到有bb之後~呢幾日佢好似完全變左另一個人咁~我真係好驚~咩野都反晒口唔認數~
今朝我有將事情同我daddy講~因為我真係寫晒上塊面度~不過我daddy當然覺得佢咁樣唔珍惜我係佢唔岩~仲令佢都擔心埋tim~希望佢唔好對我女朋友有左d咩野太多唔好既負面印象啦~ 我女朋友應該都仲訓緊~佢返大夜~而且返唔返工都冇所謂~而我其實日日一樣面對好多壓力~而且返工時間又長~最近搵食難左~我都冇咁多時間可以陪到佢~去旅行既話應該最快都要新年後~
佢岩岩同我講下午會搵表姐陪佢去落左個bb去...我會尊重佢既決定~只係佢冇搵我陪佢去~我覺得佢好似唔想原諒我咁
回006 kingasku: 多謝關心~我明白妳想表達咩野~當然我都有一度懷疑個b係唔係自己~不過我好清楚我幾時有做錯事...同埋兩個人一齊都係講信任~如果成日疑神疑鬼我都唔會同佢o係一齊~的確我同佢都好鐘意玩~佢今年得21~而我都係25出頭~其實我都未玩夠架~只係佢真係做過好多感動我既野...
岩岩佢去落左個b喇~佢全身痳醉~我好想陪佢去架~可惜佢果時都仲係好嬲我~我都係乖乖返工~而且今日我返工都好忙~咁佢未醒果陣佢表姐都有打俾我報告住情況~我都放心d~~ 好奇怪...佢落左b之後心情真係輕鬆返好多~家下又變返好似往日一樣咁愛我...我好懷疑佢有懷孕既恐懼症~而且都好嚴重...希望係因為只係呢個b黎得唔係時候佢先有既表現啦~~最驚係第日結左婚~到佢有左果時又再一次性情大變...
佢有同我補充左一句:好開心自己做過媽媽~而且係懷住自己最愛既人既bb... 佢果時有d sad~不過我都補充左一句~無論佢既決定係點我都會支持佢~以後亦唔會埋怨
