現代海戰中,反魚雷一問

反制魚雷分兩種途徑，干擾同摧毀。先講干擾。

目前魚雷導引頭一般係主動或被動聲納導引（俄羅斯獨有既尾流自導目前尚無有效辦法），所以通常既干擾方法，對於主動聲納使用氣泡發生器（也可以採用應答式干擾器，不過技術較高），被動聲納就採用發聲誘餌（自航式或噪音發生器）。
潛艇反制魚雷一般都係上述兩種干擾彈。而軍艦，除左兩種干擾彈，也有在軍艦後面用電纜拖一隻誘餌浮標，依據襲來魚雷類型發出發出應答式聲納信號或模擬軍艦噪音。

至於硬殺方法，首先你已經講左第一種方法，火箭發射器發射火箭深彈引爆魚雷。而同防空飛彈攻擊來襲反艦飛彈一樣，對付魚雷也有一種反魚雷魚雷，顧名思義就係攻擊魚雷的魚雷，以來襲魚雷作為目標進行攻擊。
記憶中至少美國、德國同法國已經試驗過反魚雷魚雷，但目前爲止尚未見過服役記錄。

2008-11-10 22:01:12 補充：
ASROC發射既實際上係一枚用火箭助推既Mk46魚雷。

2008-11-10 22:05:21 補充：
獵殺紅十月小説中，紅十月遭到三條魚雷攻擊，全部為主動聲納制導，外加潛艇線導輔助引導。第一條被氣泡彈干擾，第二條命中，第三條由於命中時保險未打開撞毀。
而紅十月最初受到攻擊時，將艇首對敵，用意實際上係減少被魚雷探測到的面積。

2008-11-10 22:47:47 補充：
如果你有玩過潛艇模擬遊戲，就會知道躲避魚雷完全吾係steventtw20所講甘簡單。
一但聽到Torpedo in the water, beaing XXX既叫聲，艇長（或當值軍官）一般既做法都係立即將速度打到最大，同時將航向急速改為魚雷既相反方向。
第二步，先至係根據聲納室報告魚雷既航向，決定下一步點做。
如果魚雷目標係自己，發射誘餌彈，改變潛深，同時向相反方向發射一條魚雷反擊敵方潛艇（以及干擾敵潛艇制導）。
如果判斷魚雷目標並非自己，就應當降低航速，探明周圍態勢。
Tom Clancy既Red Storm Rising對於潛艇戰有吾少描寫，雖然不是完全正確，但可以作爲參考。

2008-11-11 19:40:37 補充：
雖然688i尼個Game舊，但係好明顯你並冇認真研究，甚至未玩過。
空泡的出現，除左同航速有關係，同深度也有關係！
Game裏面既設定，你在70feet開到超過10knot就會有空泡噪音，而超過580feet（大約），用最高速32knot都唔會有空泡。而當開到40knot既時候，我通常會潛到800feet以下。

2008-11-11 19:46:46 補充：
而當聽到魚雷來襲時，有兩個可能，一係魚雷目標吾係你，尼樣野可以通過聲納顯示魚雷聲綫是否為垂直綫判斷，一般可以在加速到聲納失效之前（Towed array係15節）判斷到，一旦判斷目標係其他人，再減速不遲。
而當目標係你既話，也當然表示敵方已經發現你！還需要低速航行避免被發現？！

2008-11-11 20:09:34 補充：
向相反方向全速前進，有兩個目的，一個係盡可能跑出魚雷射程，另一個則係盡可能遠離發射魚雷的載台，降低敵方的聼音能力。
注意，我並不是話要一直採用直綫航行，而是應當根據來襲魚雷的距離，在計算好的時點轉向脫離魚雷的搜索區。

2008-11-11 20:23:10 補充：
至於用槍炮射擊魚雷，實在係……
需要解決以下問題：
1、觀瞄問題：魚雷航深有好幾米甚至十幾米，不容易觀察。
2、折射問題：水同空氣作爲不同介質，光線會產生折射，不容易確定魚雷實際位置。
3、炮彈引信問題：需要設定入水后到規定深度引爆。
4、炮彈造型問題：炮彈入水后能量衰竭很嚴重，而且和光線一樣，入水后的軌跡會有很大變化，需要設計合適的炮彈子彈……
當然，据我所知，目前實戰中能夠摧毀來襲魚雷的例子僅有菲律賓海海戰中大鳳號飛行員做到。

2008-11-11 20:27:39 補充：
更何況，現代魚雷普遍係冇航跡既。

2008-11-13 14:44:22 補充：
紅潮風暴Crimson Tide，我只看過電影冇讀過小説，好難評價。
不過Red October既小説同電影差好遠，電影始終有限制，吾會好似小説甘接近實際。
我希望各位所描述既Red October係小説，而非電影。

2008-11-13 14:49:38 補充：
另外尾流自導魚雷，其實也有弱點，在於追蹤能力較弱，用於攻擊潛艇時非常困難。所以只能用於攻擊在二次元範圍移動的水面艦船。如果這裡有人玩過Sub Command或Dangerous Water，使用過俄國潛艇，就可以體會到。

紅潮風暴又点解釋???????
<紅潮風暴>和<追擊赤色十月> 兩者的劇情和結構有没有相似的地方和不相似地方?????

2008-11-14 01:45:57 補充：
深水炸彈 在現代戰爭是否過時 因為潛艇行駛速度很快 可以避開

樓上兩位都講"追擊赤色十月"之反制漁雷方法，我又講講我之理解。漁雷之引爆方式有二種，直擊及磁力引爆，而追蹤導引有四種，線控、磁力導引、主動聲納及被動聲納。因以上之限制，所以發射漁雷時，很多潛艇都不會同時起動引爆裝置，因有可能於發射管引爆。通常會先計算目標距離，然後才設定起動引爆裝置及追蹤系統，如果起動過早，容易被目標逃走，過遲就會越過目標。當然主角就是利用這起動引爆時間，在漁雷未起動引爆裝置前，做成零距離，甚至越過該漁雷。
至於反漁雷之漁雷，並不是硬殺方式，是模擬漁雷之目標，令該漁雷誤認為已到目標，可以引爆。事實很多海面艦隻，都會使用機槍及艦炮對付漁雷(當然在白天能見度高時使用)。因為漁雷速度約在50海里，而艦艇之逃速都有25-35海里，其差速只有15-25海里，是可以射擊的。

2008-11-11 14:12:01 補充：
補充"追擊赤色十月"之內容，因為主角是名資深教官，很多潛艇指揮官是其學生，他清楚各指揮官之通常對應方式，所以才能使用該戰術。如果你們是敵對國家之艦長，根本不可能使用該戰術，因為命只有一條，根本無第二次機會。
另外俄羅斯之追尾跡漁雷，是可以感應水流波動來引爆，可以在螺旋槳附近引爆，炸毀螺旋槳。

樓主問左一個好問題。雖然現代潛艇既先進程度同造價都可以好匪夷所思，但講到反魚雷，就十年如一日既消極無能。即使係造價三十億既海狼級，如果佢比魚雷追，咁佢可以造既都只係維持超靜音航行，同埋發射誘餌去厄支魚雷。個誘餌會製造極高分貝既噪音，呢啲噪音同被攻擊艇既主機噪聲係一樣既，只不過誘餌既聲音大好多，而被攻擊艇會極力減低噪音，期望支魚雷會被昆而去攻擊個誘餌，但被攻擊艇完全無任何辦法可以主動擊毀支魚雷。

不過如果要夾硬打支魚雷都未必唔得。睇過《追擊赤色十月》既朋友都應該會記得雷明斯艦長係用咩方法打攻擊佢嗰隻阿爾發級潛艇射出黎嗰支魚雷。支魚雷由方位315度方向射來，雷明斯立刻命令約翰雷恩將紅色十月號轉向315方向，後來支魚雷因為提前同紅色十月號接觸所以未及引爆彈頭就比紅色十月號堅硬無比既殼體撞爛晒。呢個辦法雖然理論上有可能，但由於佢完全係小說情節，實際可唔可以咁做真係無人知。

西方戰艦唔係無反潛火箭，以前好興有一種阿洛斯克(ASROC)反潛火箭裝係幾乎所有西方及日本既戰艦上。但依家啲西方戰艦鐘意將所有彈藥裝晒係垂直發射系統入面，包括埋反潛火箭，所以我地依家先見唔到有舊特別為反潛而設既野。

2008-11-11 18:24:26 補充：
Bingo你講嗰個應該係好多前出嗰個688潛艇遊戲﹖小弟都玩到佢爛，所以我梗係知道由發現敵潛至真正攻擊以及規避敵方魚雷既難度。據我玩呢個game既經驗，如果你一聽到“Topedo in water, bearingXXX”呢句就即刻加大速度咁你就百份百死梗。因為全速前進會造成極高噪音既空蝕現像。我既做法係先改變自己既方向至一個同魚雷前進方向完全唔相關方向，然後用中速(688大概係20至25節，不可超過25節令空蝕現像出現。)儘量拉開己方潛艇同敵魚雷既距離。

2008-11-11 18:28:41 補充：
行左一段短時間先至放誘餌，然後再改變方向用慢速(5至15節，最好少過10節)慢慢同敵魚雷拉開距離並讓誘餌發揮作用。呢個時候稍為改變深度(100呎以內)都有幫助，要等敵人支魚雷肯定對自己既威脅大幅降低先至發射魚雷反攻。如果太早，魚雷艙入水既噪音會徹底暴露自己位置，咁就死多幾錢重。