同男友三年多了...上年發現原來佢係煙民.....有d唔開心......唔多接受, 面對唔到, 我暗示過佢知, 佢大概知道我係勁唔鍾意, 佢重來都冇係我面前食過, 煙味亦少知有少, 但我又一直發現佢有keep煙係袋......咁係咪即係點都唔會戒呢？我唔想直接同佢講呢個問題, 我覺得大家咁大個人唔駛要我直接講出口去話你......我覺得你應該諗清楚自己應該要做d乜野, 所以我一直都冇出聲........
我都好無奈, 我男友其實對我好好, 但我真係唔多接受呢樣野, 同埋覺得佢一開頭冇同我講佢係煙民一事, 我覺得佢係呃我囉........呢樣我真係有d不甘.........即刻心入面扣左佢分.......
俾你地有咁既case,你地會點...
更新1:
多謝各位意見..........除左呢樣問題...........大致佢又冇乜大問題, 如果你話佢有其他問題或對我唔好等等, 我還倒輕鬆去決定跟唔跟著呢個人行落去...............但而家真係有d無奈.............我知我應當面對面去談談呢件事, 但自己好傻咁仍然未接受到.....唔敢面對, 其實可能唔係乜野大事, 食煙好多人都係.........hm.........或者有d人會明白我一丁點的無奈既.....有d唔知點咁...........
anyway,多謝大家...
✔ 最佳答案
你識佢至今有沒有當面問過佢有冇食煙?
如果冇..佢只係冇講, 唔可以話係欺騙!
我覺得如果你喜歡佢,
因為健康問題關心佢,
想佢唔好食,
係正常..
但如果只係你個人討厭,
我想, 佢都應該有佢自由!
如果你真係想佢唔好食煙,
你應該比佢知道你關心既係佢身體,
而唔係關心自己感受!
我都曾經食煙, 已經冇再食,
我好明白食煙對佢黎講係寄托,
一下子完全唔食, 除非佢有病jer..
你比d時間佢, 佢愛你佢一定做得到!
不過佢冇係你面前食,
佢已經好尊重你,
如果仍d同事都食既,
或者佢都需要應酬一下!
多方面睇啦, 唔可以只重自己角度去睇件事,
比d時間佢!
而且食煙既人都唔太喜歡人迫自己唔好食煙,
介煙lee兩個字有d人會好敏感!
你可以叫佢唔好食, 但唔好用介!
2008-11-10 21:01:39 補充：
當佢應承你唔再食, 或者食小d..
你買d香口膠..
叫佢想食煙就食香口膠!
都有d幫助既!
其實我原本只係想叫妳好好同佢傾下…以健康為理由的確要好好勸佢戒煙。
但現在我有另一件事想講，可能妳會好唔鐘意聽，不過好想妳會反思一下。
其實看完妳所寫的問題後，我覺得妳係一個唔稱職0既女朋友，
同佢一齊三年，居然唔知佢食煙，妳了解佢嗎﹖
睇得出妳係段感情上面好自私，整個問題表達出妳唔想佢食煙係因為妳"唔鍾意"，而唔係擔心佢健康為大前提。---(我希望係我講錯)
[...."如果你話佢有其他問題或對我唔好等等, 我還倒輕鬆去決定跟唔跟著呢個人行落去"...]<------這是說妳為了佢食煙的問題，曾經有小小考慮過離開﹖小小唔多…因為考慮過冇其他大問題是嗎???而且還看得出佢平時都好遷就妳，但妳似乎未見到佢0既付出---(我都希望係我講錯)
佢唔係妳面前食煙，係因為佢知妳唔鍾意，於是學習忍耐和尊重。
所以我衷心希望妳懂得愛惜身邊人，學習體諒同包容。一定要用關心來維繫妳們的關係。
或許是我說多了。
不過食煙真係對身體唔好，努力協助佢戒啦。
祝福妳…
我本身食煙既~但係我男朋友就唔食..佢有時叫我食少D~而唔係介左佢..
因為佢知叫左我介~我都唔會介左..我最多都係唔係佢面前食..
其實好多野一種習慣..唔會話改到就改到既~
你都識講喇..佢唔係你面前食已經好好人架喇..又對你咁好..
其實而家食煙既人都好多...你唔鐘意還唔鐘意囉~唔可以免強人地做一D你自己鐘意既野架嘛~己所不欲勿施於人~你都唔想你男朋友免強你做D唔想你做既野架..
好似有D人成日出去WET~落D..BAR飲野咁..你唔鐘意佢..唔可以免強佢既習慣..
最多你係同佢傾囉~你想佢TAKE CARE你感受時你都要照顧返佢既感受..
佢唔介煙又唔代表唔愛你喎~我唔介煙又唔係代表我唔愛我男朋友喎
呢D野係要兩個人遷就..佢對你好咪得囉..唔通為左佢食煙D咁無謂既野而同一個一齊左三年既男朋友分手咩?
參考: 自己
其實佢唔係你面前食已經表現出佢好在意你感受.. 嘗試體諒下佢.. 因為如果一個食左好耐煙既人要佢即刻介 係好難.. 如果你係有心同佢繼續, 有機會同佢講下伊個問題, 問題唔係你鍾唔鍾意, 係會對佢身體唔好.. 睇下佢點, 我覺得如果佢真係鍾意你, 會介到, 不過要時間, 問題係你會唔會肯陪佢共渡伊段時間? good luck
我覺得Ricci講得真係好到肉,跟我想講的一樣,無人會特別講出自己的喜好,好似叫餸食飯,唔會講明我唔喜歡食西芹一樣,最多咪唔叫,對方又點會知呢?
所以你覺得食煙唔好,咁你咪面對面講,唔好諗住人哋會估到,將來在婚姻生活中,還有好多細微的地方不能忍時,唔通你又用這召,咁若估唔到或意識唔到,你咪同佢離婚.有時有些事情要互相遷就的.
小姐, 兩年啦! 你才知佢係煙民, 請問你覺得自己了解這個人多少? 而佢既然待你好, 又拍了三年拖, 大家又係大人, 講真結婚都有可能的, 理應立即跟他商量幫他戒掉, 你郤像外人似的暗示他戒?
坦白講, 你不開口請他戒, 反而佢不在你面前食已經算尊重了你, 如果你愛他應該幫助他戒掉. 在這佢一開始沒有同你講, 請問你有沒有問? 而男人很多都知道女人未必喜歡, 所以通常都不會主動講, 這個個人嗜好習慣問題, 他在你面前能忍耐, 連煙味都無, 證明他少食煙, 亦相信他有顧及你感受, 但因為你沒有開口, 他可能意會到的只是少食就可以, 所以某程度上你不能全怪他.
有個男性朋友, 知道女友不喜歡, 他真的立心戒掉, 當然這個是習慣不是一朝一夕可以戒掉, 但起碼佢越食越少, 女友亦都支持及鼓勵, 就算經過兩年還未全戒掉都好, 他們的感情郤有增無減, 而少食煙的他亦真的自動自覺, 即使女友不在仍不會亂來, 相信他終必會戒掉的, 你認為這個女友做法合理嗎?
好自為之吧!
參考: myself
其實你都要檢討下,識左你男朋友三年都唔知佢食煙,其實你男朋友都算係咁,我諗佢約你之前個幾個鐘都唔食煙,如果唔係你一定嗅到煙味,我諗佢都幾愛你,你想佢戒煙,真係要視付佢食左幾耐,戒煙唔係兩三可以做到,要慢慢黎,你都要比時間佢,兩個人一齊要互相遷就.............係都相信你男朋友一定會為左你去戒煙.......................
以前既我以為食煙既人就係壞人
但係我又諗我阿公夠食煙la
佢唔只好人添呀!!
仲任罵唔嬲果隻
其實我以前都好mind自己男友食煙嫁
不過宜家就唔mind lu
因為響呢個世界上好多人都食煙既
你已經算幸福la
你男友又唔會響你面前食煙
又對你好好喎!!
佢食煙既份量仲少之又少添!!
我男朋友佢以前話過會為左我戒煙
但佢一直都冇戒過
好似仲食多左添呀!!
不過我諗一日都唔過一包既
我真係好想佢戒煙
因為食煙對身體唔好
遲d仲會有癌添呀!!
我真係好驚
我相信你男朋友遲d一定會戒到煙嫁
佢一開始無講當然係佢唔啱! 只不過大家係成年人最好得你同佢時候,當面坐低同佢講:自己係勁唔鍾意人地食煙o既,而且好抗拒! 有時咀咀都唔想有煙味! 當然重要讚吓佢,點解唔知係因為佢平時喺你面前無食,只不過若果佢肯戒埋就最好! 因為佢煙癮應該唔算太大! 若果煙癮好利害通常會唔停口! 若果佢一開頭已經講佢係煙民可能閣下已經唔會同佢拍拖,而且一開始講其實好奇怪! 假如你其實鍾意佢唔好開口已經講分手,至少要當面同佢講咗,佢唔理先至考慮佢適唔適合做閣下男朋友!
圖片參考：
http://tw.yimg.com/i/tw/ugc/rte/smiley_5.gif
其實為他好為你好，應同佢講，如接受唔到又唔出声係你唔對，
將來結咗婚更加唔駛望佢會戒。
如果 男人連為你戒煙都唔肯，對你好極有限，你應另作打算。唔好以為係小題大做，這會是你心中一條刺，日積月累其他問題，你會好唔開心的。
其實佢收埋包煙即擺明想扼你，仲係一直扼落去嗰隻，佢以為自己好醒，真係當你係低B咩！想起都唔舒服......
我十分同情你.如果我是你,我會和佢分手,佢一定不可能戒,煙民是多多不會戒.佢有keep煙係袋,證明佢係呃你.不過如果放不下,不如求一下佢!祝福你們開開心心!
