點解叫 - 鴛鴦674

鴛鴦674..............係賭牌九裹面一副最細, 差不多輸硬嘅牌.

牌九牌分為文子及武子两種.

文子計有 : 天,地,人,鵝,梅,長衫,板凳,斧頭,紅頭十.高腳七.每樣一對(二隻)

武子計有 : 九,八,七,五每樣二隻, 加上一隻三, 一隻六

********************************************
全部由二隻骰仔點數組成.

天 : 二隻六點骰仔........十二點
地 : 二隻一點骰仔........二點
人 : 二隻四點骰仔........八點
鵝 : 一隻三點一隻一點骰仔........四點
梅 : 二隻五點骰仔........十點
長衫 : 二隻三點骰仔........六點
板凳 : 二隻二點骰仔........四點
斧頭 : 一隻六點一隻五點骰仔........十一點
紅頭十 :一隻六點一隻四點骰仔........十點
高腳七 :一隻六點一隻一點骰仔........七點

武子 九 : 一隻六點一隻三點....(九點) 及 一隻四點一隻五點.....(九點)
武子 八 : 一隻六點一隻二點....(八點) 及 一隻五點一隻三點.....(八點)
武子 七 : 一隻四點一隻三點....(七點) 及 一隻五點一隻二點.....(七點)
武子 六 : 一隻四點一隻二點....(六點)
武子 五 : 一隻四點一隻一點 ....(五點) 及一隻三點一隻二點....(五點)
武子 三 : 一隻二點一隻一點 ....(三點)
********************************************


擺牌方法 ; 頭二隻 , 尾二隻....两隻牌加埋以點數鬥大.....密十最細, 九點為大. (二隻加埋若是十二點,則十點唔計, 衹得两點) 對子最大,依次序天..地...人.....分大細. 至尊最大( 一隻武子三 及一隻 武子六)


鴛鴦6 即係一隻文子 六點, 一隻武子六點 ( 不能組成對子)

74.....即係一隻七點 及 一隻四點.

這手牌點掉, 點切都係得....頭牌 一點, 尾牌二點.

或 頭牌 密十, 尾牌三點. 所以實輸冇贏.

2008-11-10 13:43:44 補充：
文子計有 : 天,地,人,鵝,梅,長衫,板凳,斧頭,紅頭十.高腳七.每樣一對(二隻)

寫漏咗, 重有 拎冧六 .....一隻五點及一隻一點組成......(六點)

兩隻同花叫寶，鴛鴦六七四是揸住四隻牌在手，兩隻不同花的六點加一隻七點同一隻四點，以兩牌相加組合計，出來的結果只有零、一、二、三，加上莊家食夾棍，所以有和無贏，同四大公司泊碼頭都屬衰牌，四大公司包括，天12點、斧頭11點、紅頭10點、梅10點，四隻，這四隻牌在牌內屬點數多的牌，對住鴛鴦六七四，就睇吓點擺，如大家都擺頭1尾2或0頭3尾咁就莊家食夾棍，莊贏，隻歌提及嘅三隻六加隻七嘅牌，係贏呢兩個組合，所以四大公司泊碼頭及鴛鴦六七四，幾乎是必輸的牌。

文子計有 : 天,地,人,鵝,梅,長衫,板凳,斧頭,紅頭十.高腳七.每樣一對(二隻)

寫漏咗, 重有 拎冧六 .....一隻五點及一隻一點組成......(六點)