社會不公平現象是否政府一手製造出來?為什麼唯獨香港的專業人士人工咁高?

唔知點解你會覺得香港的專業人士人工咁高，我都係專業人士，不過收入就唔似人地咁六位數。好多時人工個樣嘢係「有條件」下的供求，所以你係唔可以用人工去判斷一個人的能力，正如副局長同政治助理，佢地啲唔合理地高嘅人工就算你比佢更高學歷又如何？任總係全世界最貴嘅中央銀行總裁，理應唔會有雷曼迷債啲咁混賬嘅嘢，事實就係出咗事證監同銀監都話唔關佢事，咁關邊個事？收得咁高人工做事咁卸膊，濫用公帑去益自己友，你話貧富點會唔懸殊？所以你個問題應該話「某部份特殊身份」的專業人士而唔係所有專業人士，以正視聽！
希望幫到你！

唔係每個專業人士都可以高人工的, 給勞工處的兩個招聘會計廣告你睇吓 :
1. 臨時會計 : 大專或大學畢業, 2年經驗, 朝10晚6點半 ─ 日薪HK$300大元 ;
2. 助理會計 : 博士或碩士畢業, 3年經驗 ─月薪HK$15,000~18,000 ;
這情況係唔係政府一手製造出來就不予置評, 但肯定就有班無良商家佬喺度混水摸魚, 趁金融海潚壓低工資。唉! 無錢請人就唔該降低啲條件喇, 趁人病就攞人命, 真折墮。話唔定, 現時草根要求最低工資立法, 他朝可能連專業人士都要上書爭取。 嚡! 可憐的香港人!