我朋友check番原因之後, 發現原來因為之前佢登記女朋友張卡未del, 係一號卡, 而佢而家用緊果張係二號卡, 但係剛剛八月既時候, 二號卡因為到期要更新信用卡資料, 更新左之後就變左一號卡, 而前女友果張變左二號卡, 咁佢又冇留意, 繼續用二號卡過數, 咁就中左招, 總共用左$4600.
我朋友已經去左差館落口供, 個差人話懷疑佢偷用別人信用卡拘捕左佢, 而家我朋友準以$3000保釋左出黎, 另外, 我朋友已經還番d 錢俾個女仔, 而個女仔都同意唔追究件事 , 但係差佬就話要繼續調查, 我朋友而家好擔心要坐監, 請問呢個情況會點判 ?
我朋友今年27歲
佢部電腦而家俾差人拎走左, 話做證物, 請問可唔可以拎得番?
而家成件事我朋友都好不利, 因為佢係咩證據都冇, 而個女仔就係有月結單作為證據
其實成個過數過程都係網上進行, 佢要部電腦做咩, 可以係部電腦check到野嗎
其實大約要幾耐先知道告唔告佢, 我朋友10月3日去落口供,10月19日報到, 而家11月12號又要再報到
其實有一點對佢應該幾不利, 就係佢係個女仔通知左佢之後, 佢再用左$1000, 件事係咁既, 我朋友係9月25同個女仔講話會還番全數俾佢, 但係就想個女仔俾佢用多$1000, 話會當日俾番佢,個女仔應承左, 但係因為有小小問題, 當日佢只係還到一部份俾個女仔, 但係我朋友都有同個女仔講話幾時會再俾番佢, 但係個女仔又回覆話得定唔定, 咁到9月26日, 因為個女仔冇回覆, 我朋友就以為冇問題, 再用佢張卡過左1000元, 咁到當日夜晚, 佢就收到差佬打來, 話個女仔報左警, 約佢10月3日落口供.
落口供當日, 因為個差佬未知道有呢1000元呢件事, 所以我朋友只係解釋左之前d錢點解會用左, 而到左過幾日後, 差佬打電話黎話點解9月26日會再用左1000元, 咁佢都有同個差佬講番原因, 但係我朋友而家擔心就係, 唔知個女仔會唔會同差佬講話冇應承過呢件事, 如果個女仔想我朋友死, 而話冇應承過俾佢用, 咁我朋友咪又多條偷竊罪?
更新1:
我朋友11月12去完差館, 警察已經決定唔起訴佢地, 而家冇事啦~~~