燒毒藥水同燒毒火酒既分別？

其實火酒響正式醫療黎講已經唔用黎洗傷口
因為佢會乸同埋破壞D傷口肉芽組織
亦都怕d酒精經傷口吸收到會對人體有影響

所以響依D情況火酒多數只係用黎消毒
比如係消毒儀器（剪內敷料前消毒較剪）
如果要打針抽血
亦都係用黎消毒未有創面既皮膚

至於消毒藥水急救個邊比較常用沙威隆
有D用黃藥水有D就用unisept
醫院就多數係hibitane
佢地既優點係唔乸同有泡可以沖走d污糟野

不過又好多傷口研究話洗傷口係用生理鹽水0.9%
係對傷口最好最唔會刺激同傷害到d細胞
佢冇消毒能力得個洗字
通常傷口發炎就只係用到黎洗走d分泌

至於掉轉黎用
因為上面提到火酒係會傷害到組織所以係唔得
而所謂消毒藥水
佢地既濃度係啱啱可以用黎消毒傷口又唔傷到佢
實際上用黎消毒儀器唔係好得
所以照番佢地既功能用就算啦