我租住沙田金獅花園未夠兩個月,管業處發警告信兩次,佢話原因係隔離屋投訴我養狗,其實我隻魔天使因為年紀大(13yrs)成日訓覺都唔係好吠,連大厦巡樓個管理員都話冇聽過我隻狗吠。佢問我係唔係養狗我實話冇啦!於是佢話要上黎家訪,我咪張隻狗徹退比佢上黎囉!有兩個管業處主任上黎齋望o左幾眼之後臨走前話如果再比人投訴就出律師信。
我想問o下如果真係出律師信其實係比我定係比個業主?因為我租約冇寫唔比養。係唔係會要我搬走,d按金會唔會比返我o架??
有冇人可以幫o下我!!!thanks!!
我的狗狗被人投訴點算好!
2008-11-09 9:03 am
回答 (2)
2008-11-09 11:46 am
✔ 最佳答案
聽講金獅花園既大廈公契本來係寫唔俾"養寵物", 但後來改左寫明唔俾"養狗", 我建議你先查一查金獅花園既大廈公契, 如果真係寫明唔俾"養狗", 咁就無法, 幫你唔到; 但如果係寫唔俾"養寵物", 咁你就可以同個管業處主任嘈, 話唔俾你養狗, 即係唔俾你養寵物, 咁你就投訴其他住客養龜, 養魚, 養鳥類, 養鼠鼠...等, 因為呢D全部都係寵物另外個問題, 如果你被迫因為養狗要搬走, 業主會唔會俾返按金你, 咁就要睇下你租屋既時候, 你有無問業主可唔可以養狗, 而個業主又話得, 但原來唔得; 如果唔係, 你又無問既話, 咁好難講架喎!!
參考: 自己~~有朋友都住金獅, 曾因呢個問題多次同管理公司嘈過!!
2008-11-09 10:22 am
現在很多大廈都不准養狗的,如果真想養狗祇有搬屋了,我是一個養狗的居屋業主我也因為我的狗和管理處嘈過,他說不准養狗,我就和他說狗是會養的,如果有不滿就買回我的居屋,後來就不了了之.
收錄日期: 2021-04-13 16:14:19
原文連結 [永久失效]:
https://hk.answers.yahoo.com/question/index?qid=20081109000051KK00138