請同事食野,佢地唔食,即係咩意思?

完全同意樓上網友見解！我正正就係呢個情況下受害人！
有個唔係好熟同事請我食魚柳包，其實我一向都唔食人，廢事多事！咁佢一遞畀我我就已經灑手擰頭話多謝唔食啦，咁老細叫佢，咁我惟有接佢包先等佢去做。佢臨轉身我就同佢講：「我唔食，多謝晒！」佢無應我(可能聽唔到！)咁我隨手將個包擺番落佢面就返自己個位做。過無耐，另一個同佢比較熟同事走質問我，做乜唔食個魚柳包？人好心請你食做乜唔畀面？問我知唔知咁樣好傷害佢！？我都係講句我已經同佢講多謝！我唔食！咁插我個同事就話點都係你唔啦！又問我係未聽其他人的唆擺特登唔食佢！？
到呢一刻我明白到已經捲入某鬥爭旋渦裡面，惟有唔講，等佢鬧完算數！到依家佢兩個都當我係仇人，見到面一句都唔講，同埋擰轉面！老實講我唔介意佢杯葛我，而家仲好，樂得耳根清靜！
我祇係想講你請人食，人唔係一定要食！唔食原因有好多，例如根本唔想食、當時覺得飽食唔落、唔鍾意食、減肥計劃進行中要控制食量、或者真係唔妥你唔食啦！就算你出發點係好好，人都有拒絕權利同自由！你根本唔應該為人拒絕而不滿同懷疑人背後動機，你咁樣做人好辛苦！你要尊重人選擇權利，掉轉我監你食你唔想食又點呢？輕鬆啦！祇係小事一件，無謂自尋煩惱！

是你感覺故意, 還是對方原本不喜歡那種食物.

我都有時不吃同事請的食物, 因為自己根本唔食,

無謂浪費, 無其他意思.