李煜的《虞美人》虞是何許人?和楚霸王的虞姬有關嗎?

此調原為唐教坊曲，初詠項羽寵姬虞美人，因以為名。

Steven是自以為是吧！
問題是「虞」為何人；與虞姬有何關係？
答者的答案解決了這一點，已是完成了。
其他引經據典，是多餘的知識了。但我注意到很多以多為勝的答案，就使人聯想到，這是一種風氣嗎？

steven,點解你答問題總係題性話人地廢,話人地小朋友,話人地傻仔先姐!?你真係咁冇自信到要踩到人地低一低先敢答!?定一係話你根本自視過高,當人地個個唔及你!?邊個答得好d,人地有眼睇架!唔洗你係到出言傷人架!!

李煜的《虞美人》內容講的是他自己。而《虞美人》這個名稱只是一個詞牌的名稱，相等於一首音樂的曲名，不同的詞牌有不同的格式﹝例如"春江花月夜"這音樂也可以根據該曲調填上不同的詞如"帝女花之香夭"等，內容便跟 春江 花 月夜 完全無關了。﹞

詞牌《虞美人》的格式如下：

(平)平(仄)仄平平仄，(仄)仄平平仄。
(平)平(仄)仄仄平平，(仄)仄(平)平(仄)仄仄平平。

(平)平(仄)仄平平仄，(仄)仄平平仄。
(平)平(仄)仄仄平平，(仄)仄(平)平(仄)仄仄平平。

樓上第二位小朋友唔識野就講少啲野啦。《虞美人》係一首詞，即係同依家既歌詞一樣，而《虞美人》就只係詞牌，亦即係歌名。即係話原本有一支歌叫《虞美人》，既有音樂又有歌詞，而原本隻歌就係講項羽既虞姬。但後來呢隻歌因年代久遠，隻歌虛無縹緲既音樂部份再無人識，流傳落來既就只有歌詞部份及隻歌獨特既文字旋律風格，於是後人就以原本隻歌既歌名來命名呢首歌既特有文字旋律，個歌名就叫詞牌。

咁即係咩意思﹖即係話，任何人都何人都可以為《虞美人》呢首詞填上任何新詞，只要你既作品符合呢首詞特有既旋律就得。由於人人都可以為《虞美人》填新詞，所以通常作者會為佢作既新詞另起一個貼切內容既名，呢個新名叫詞題。李煜先生無為佢既《虞美人》起新名，但後來有另一個作家叫蔣捷，佢亦寫左一首《虞美人》既詞，不過今次就有詞題，叫做《聽雨》。蔣捷首詞既內容同李煜既完全唔同，但旋律一樣。

另一個例子係蘇軾既《念奴嬌》。原本呢隻歌係描寫唐代一位著名歌姬，後來蘇軾為呢隻歌填左新詞，叫《赤壁懷古》，就係“大江東去浪淘盡，千古風流人物”嗰首。你唔會以為呢兩句同“念奴”呢個歌姬既“嬌”有關掛﹖蘇大學士另一首名作《水調歌頭》就係抒發佢掛念係遠方既弟弟既感情，內容亦明顯同詞牌無關。

李後主的[虞美人]跟霸王別姬裡的虞姬是不同的，李後主的[虞美人]是詞，而虞姬是人。