我想知我對個阿sir係d咩既感覺..

我係女仔,, 今年讀f.4
開左學之後我同我個fd開始對學校三個阿sir有好感-o-
其實都唔知係米好感,
其中一個係我班主任另外有一個有教我
而淨返果個就有教我個fd
我諗佢地三個都40幾咁上下..
我班主任未結婚,另外教我果個結左,教我fd果個結左有仔女
初頭都冇乜留意佢地
淨係知佢地三個係一齊食lunch
但唔知幾時開始我地就開始留意佢地,,
總之一見到佢地就勁興奮果隻 {有時會尖叫出黎=.=}
上佢地堂真係會好專心,, 一字不漏咁聽佢地講野..
又成日放學同個fd係教員室出面撞佢地等佢地
有教我果個阿sir見到我地都會好認得我地
佢都會同我地傾下計, 我地緊係好開心喇-v-
最近仲搞到我地lunch既時候日日跟縱佢地睇佢地去邊度食
我地就係附近食, 等佢地食完我地就可以同佢地傾計行返學校
放學又會係課室望落停車場睇佢地幾時走走左未
如果見到佢地走左就會即刻勁灰咁..直情想喊果隻-x-
我覺得我地好似好變態咁=.=
不過今日我地就借d意問佢可唔可以同佢食lunch,,
佢好猶豫咁話{而家好忙,,我諗諗先...}
最後緊係冇食到喇..
又到左放學, 我唔識做功課想拎去問佢
佢又話{我而家好忙阿,遲d先喇} 跟住就入左教員室
其實佢係米開始覺得我地好煩?
我地係米應該唔好成日搵佢地?
仲有 我一見到有女同學同佢地傾計我就會勁嬲
我知我地對佢地絕對唔係平時拍拖鐘意果d feel
當我地諗到同佢地有d親密行為就會覺得有d核突..
但係又無時無刻都會諗起佢地
有時連發夢都會夢見
我真係想知到底我同個fd對d阿sir究竟係咩感覺?
點解我地會咁..?