我今日踢波同個龍門撞埋左...之後有少少失憶...係咩一回事??

撞親頭暈低過兼失憶係腦震盪既表現
理論上係算係較輕型既腦部受傷
未必會有腦結構上既實質損害
所以你個人仲可以走黎走去好似冇咩事咁

不過腦震盪其實都代表大腦受過衝擊
亦即係話依d表現代表撞個一下係影響到個腦
依d情況最好係去睇醫生

有需要睇急症係最好既
因為你暈低過兼有症狀
佢地可以順便幫你照下有冇撞到個頭
爆左骨或者係照電腦掃瞄睇睇過腦有冇事
（尤其事你話個口骹好痛都可能有骨既問題）

有時撞親頭可能冇咩症狀
但係如果佢入邊撞爆左血管滲血
D血越積越大舊係會壓住個腦係可以死人既
依個可能係撞親頭幾個鐘甚至係幾日之後先發生

留意下會唔會有頭痛多左同嘔
或者會唔會好眼訓好難叫醒
或者成個人亂晒龍發晒神經亂講野
如果有既話依D都係代表你個腦可能比血塊壓住左
要即刻睇急症

所以最後如果你都係冇睇到醫生
都唔該搵你D屋企人同朋友留意下你起碼一星期
盡量唔好比你一個人
如果唔係你仆底左冇人發現
分分鐘死左都唔知咩事