我想鍛鍊一下 同令自己身材標準D大隻D 唔該高手比D建議同意見我!!!

你的問題有點雜亂，不過都嘗試解答一下：<我身高都有175cm左右 希望高到180-185cm左右>

身高主要是天生的 (父母遺傳)，暫時並無任何確實的醫學證據顯示任何食品，運動或藥物能夠增高 (欠缺營養倒會妨害增高和發育)，而大部份人都會高過父母，但如果父母都不高的話，就高極有限了。
事實上，你今年 15 歲，仍處發育年齡，仍會長高的，而且 175 cm 都唔算矮啦，你可以俾多 D 信心自己。

<體重係60kg左右 個bmi我屬於正常範圍>你的 BMI 是 19，雖然仍是標準，不過是偏輕了，要食多 d 野，做多點運動增重呢。<因為我下半身比我上半身"長"好多下 有d唔合比例>你是典型的腳長的一類，很多人求之不得呢！因為男性好多都是腰長腳短的，你實在身在福中。

<所以我主要係想我ge上半身長 唔係下半身 即係想練大隻>首先，身軀的長度，以至腰／腿的比例是天生的，一如身高是不能強求的，再者腳長才可看啊！另一方面，要練大隻的話就要全身練，先至會好睇的，如果只練上身，個人整體唔 balance，再加上你係腳長一族，如果只練上身唔練下身，個人比較會好怪的，成塊波板糖咁唔靚架。以你的目標來看，其實游水就最好了，已經可以均勻地鍛鍊全身，唔好大隻，又有點 shape，而且亦鍛鍊心肺機能同強化骨幹，最適合發育中的年輕人了。當然，游水對增肌始終效果有限，真係想再大隻點的話，就去做健身吧。
不過開始健身之前，仍要先做心肺機能的鍛鍊，幫自己的身體打基礎，再做健身就會事半功倍。我係健身前就連續一年努力游水，提升了心肺功能，才開始健身的。正式開始健身時，建議先去康文處轄下的gym，因為價錢公道又有註場免費教練，到你掌握了基本功才去私人 gym，例如 physical 一類吧。 詳細鍛鍊方法建議問教練，因為我覺得鍛鍊的動作和方法要親身見過當事人體型和舉鐵的動作，才能夠決定點做對你最好.
<sit-up 我都無問題, 但係掌上壓我唔係好得 >呢個係因為你的體能基礎不夠，同樣可以藉游水來改善的。如果唔識游水，可改做其他的帶氧運動，例如跑步，向上行樓梯，跳繩等等，每星期三次，每次 30 分鐘，慢慢就會改善過來了。當整體的體能1上升，才再做重量訓練吧。

我在另一條問題曾經分享過自己的增肌/增重心得 (我自己都係天生修長纖瘦，透過做運動改善的)，有興趣可以去看看：

http://hk.knowledge.yahoo.com/question/question?qid=7008101900918


2008-11-07 20:08:06 補充：
多謝發問者邀請我回答這問題。

我知下半身長過上半身係正常
但係我係講緊比例問題
仲有掌上壓 唔係練胸肌架咩?