艦炮與坦克炮在鑄造和操作上的技術分別?相同口徑下,艦炮是否可以發射坦克炮的炮彈,以減少後勤支援壓力?

兩者完全不同，不能比較，故寫意見。
現時艦炮首先分很多種，即使係同坦克炮相似口徑既中口徑艦炮，與坦克炮也有極大既分別。
不過艦炮（高射炮不含）同陸軍既野戰炮的確係有類似之處。
不過在二戰之前（包括二戰），軍艦上大口徑高射炮同當時坦克炮就有類似。

2008-11-07 22:33:59 補充：
Chan Chi Wang講得很好。

首先我講幾個艦炮與坦克炮共通的例子。
北韓炮艇採用T-34/85坦克炮塔係承繼自蘇聯，二戰期間蘇聯内河炮艇有吾少係採用T-34坦克炮塔作爲主炮。
另外一個典型例子係SU-100，SU-100自走炮主炮D-10S（S代表自走）係改良自海軍B-34型艦炮。後來的T-54/55系列坦克都係採用此系列火砲，型號為D-10T（T代表坦克）
另外在坦克發展的初期，有不少艦炮用於坦克的例子，各位都應該記得，坦克最初係號稱陸上巡洋艦。

需要注意係，雖然二戰德國三軍都裝備有大量既88mm火炮，但海軍型88mm火炮同陸空軍所採用既88mm火炮係完全吾同既。

而家以英國兩種火砲為例講下現代坦克炮同艦炮的區別。
艦炮：4.5in QF Mk8
坦克炮：105mm L7

首先現代艦炮由於射程較大（Mk8為2萬米以上），彈道更加彎曲，而坦克炮彈道則較爲低伸（一般攻擊4-5千米以内目標，實際作戰更短）。

其次艦炮由於有自動裝填系統，射速通常較高，上述兩個例子射速相差一倍，分別係20發/分同10發/分。由於射速區別，兩者的炮身冷卻問題也有很大區別，艦炮一般有身管冷卻系統。

由於艦炮容許體積較大，而坦克空間小，艦炮通常不需要太多用於炮身制退的裝置，坦克則相反。

彈藥問題，坦克炮要發射高初速既穿甲彈，要求高初速。艦炮發射高爆彈或對空彈，沒有高初速的要求。

由於坦克炮要求高初速，所以對於身管制造方面有更高要求。

坦克由於隱蔽要求，要求對於發射後盡可能少煙霧，坦克炮管上一般都裝設抽煙裝置，艦炮就無此要求。

樓主問既問題真係夠晒專業，小弟其實唔識兩者係技術上有咩分別，所以就隨便講幾句意見。

小弟估計艦炮同坦克炮係鑄造上分別唔會好大，最大既分別應該都只係炮身保養技術有啲唔同。艦炮應該比坦克炮更注重防潮及防銹。而坦克炮因在陸地操作，強度同耐磨度應該會強啲，以防坦克炮被障礙物猛烈撞擊及有沙石磨損炮身內壁。

我覺得艦炮係理論上可以發射坦克炮彈，因為兩者用既都不外乎係穿甲彈或高爆彈，但事實上艦炮應該用唔到坦克炮彈，主要係因為口徑問題。現代坦克炮口徑主要係120及125毫米，舊啲既有100及105毫米。而流行既艦炮口徑係155毫米，亦有130、100及最小既75毫米，由於口徑唔同，所以艦炮唔可以直接未經改裝就用坦克炮彈。

不如學北韓，將部坦克放上隻登陸艇上，變成炮艦作戰，連建造戰艦之費用都可省下。