可以保釋,但未保釋,但已經扣留超過４８個鐘...

可以保釋, 但未保釋, 係個疑犯嘅問題. 警察開咗條件俾佢保釋, 例如現金$5000保釋, 但佢無能力 (無錢) / 唔願意去達到保釋條件, 咁警察只好繼續扣留佢, 直至佢達到保釋條件為止先走得. 呢個情況唔係警察扣留佢超過48個鐘後唔俾佢走, 而係佢自己達唔到保釋條件, 走唔到.
舉例說, 你想去泰國, 機票要$5000. 但你無錢, 咁你就去唔到泰國. 唔係香港海關唔俾你出境, 亦唔係泰國海關唔俾你入境, 而係你無能力買機票上飛機, 所以你就要留番喺香港. 唔關香港 / 泰國海關事.
除咗揾人借錢佢保釋外, 無其他方法可以放人.
社會服務令?? 唔關事喎! 社會服務令係法庭對犯咗法而被判有罪嘅人嘅一種懲罰, 由個官判嘅, 無得自己申請嘅. 而且佢都未審, 點會有社會服務令?
我諗你係指 "人身保護令". 正如以上所講, 而家唔係警方強行拘留佢唔俾佢走, 而係佢無能力走. 所以根本無理據去申請人身保護令.

2008-11-08 00:56:45 補充：
無法! 開7百萬擔保我都見過!!

thank you