不再是好朋友?

其實, 覺得你有點自卑, 最初, 你說她的家境....也很好, 但外表卻嚇人, 正因為這樣你才可以跟她一起那麼久, 其實你一直有自卑心作祟, 到後來她大變身, 你覺得你跟她距離更加遙遠了。因為她的生活多采多姿, 更加令你覺得兩個處於不同世界。

我對 anliu05 及其他發表朋友既睇法幾有同感。因為你難以溶入她的社會, 人長大了隨著環境, 當然機會變啦, 要接受朋友的改變, 佢又唔係吸毒, 走私, 打劫, 殺人, 有咩咁大不了。話題是大家找出來的, 不只靠單方, 即是說, 不論她怎樣改變, 如果她仍當你是朋友, 佢有無心去維繫這段友情, 你會feel 得到, 但問題係你自己想唔想維繫先。既已說友情咁耐, 應好好珍惜吧! 到失去才後悔太遲了。

其實..你地咁十多年冇見..
好自然就會疏..
如果你地大家都重係當大家係好朋友..
都一定會有一樣既野係一樣..
你講下你自己D野..
佢都會答你傢媽..
重有呀..
如果你想佢E個好朋友..
你應該主動去聯落佢..
而唔係係倒等佢聯落你呀..!

祝你地好似之前咁係好朋友..=]

你好, 不要太介懷或痛心, 做朋友亦要講求緣份, 緣來緣去、舊去新來, 她只是你在人生路上出現過的一個角色而已, 謝謝。

其實, 你會5會有少少自卑呢?
人長大了, 當然會變啦
要接受朋友的改變

您應該識多D 朋友
讓自己的生活也多采多色起來.

你同佢做咗朋友咁耐, 估唔到仲要憑外表及生活方式去決定是否繼續友誼, 你好膚淺呀, 你係一個有老公的女人, 生活方式同佢有分別好出奇咩, 你係咪應該尊重下你朋友的私生活呀, 佢又無攪你, 久不久出來見面聚舊咪算囉, 人哋衣著打扮關你咩事呀, 再者, 你形容佢的生活根本就沒甚麼特別差, 睇落係你唔抵得人哋生活多姿多彩似D, 算啦你, 一個唔覺意第日你同你老公離了婚, 話唔定呢個老友會係安慰你同支持你嗰個呀, 仲有, 你都話你朋友唔多啦, 咁輕易就去放棄一段十幾年的友誼? 你係咪有病呀? 有時老友相聚唔使講咁多野架, 你覺得悶咪開D話題囉, 女人!

因為你難以溶入她的社會, 你的失落我好理解自己都經歷過,
現在朋友不多只有丈夫最親, 有時都感覺悶的, 但你不要放棄
這位朋友, 雖然未能溶入但她會知道你心意的, 假若有問題需要
你時候, 你靜靜聆聽對方心事, 她未必要你解答的只想找友人
相伴, 你更不應尬意好的行為, 要友誼長存呀!

系咁的了..二個朋友之間的能講的話題少了,甚至沒左.自然就疏遠的了

你個朋友的轉變令到你無法接收囉．但是每個人都有自己的生活方式．都唔可以怪人咁．．

你唯有祝福佢羅．