小小病是否唔可以去急症室求醫

理論上係
事實上你要黎睇都冇辦法
不過你食得鹹魚要抵得渴
如果唔係真係急就要慢慢等唔好催三催四
因為大把依D CASE檔住晒條人龍
係要等咁耐

其實市民唔知自己急唔急
黎睇急症都係人之常情
有時我都會同意D人有D急病病到企都企唔到
或者係受左傷爆晒血好似好嚴重咁唔知點
依D我覺得黎睇急症都冇咩所謂

但係真係有人黎急症室睇醫生
係為左唔想返工返學拎張病假紙
或者係睇阿仔睇傷風感冒阿媽就順便交100蚊無病當驗身
阿伯想番大陸叫雞問醫生拎偉哥等等
大佬依度係急症室唔係善堂喎

咁你話依D咁既人
如果拖著D撞車心臟病發中風生死命懸一線既人
係唔係抵死先
將心比心如果因為依D人拖住真係咁急既
比著係有急病既係你或者係你屋企人你點諗先

D人成日都以為放左好耐既問題就係急
比如腰痛左成半年又睇急症
但係其實你個問題出得越耐
就越唔係「急症」
急症梗係要急起先係急啦係咪先

基本上一般你諗都諗到唔係急症既野
傷風感冒肚痾兩三次甚至係生癬甩頭髮比蚊咬
仲識得自己走落街睇街症既
咁就睇街症或者私家醫生先
D私家醫生如果幫到你
你就唔駛響急症室等幾個鐘都冇醫生睇

講真如果真係小事既你都無謂響急症室等咁耐
睇私家睇完番屋企訓仲好
如果私家醫生真係覺得有需要
佢自然會寫紙比你睇急症或者轉去其他科
有依張醫生紙都證明你真係急
黎到急症室亦自然唔駛等咁耐好快有醫生招呼你


急症三大原則

1/ 「急起」既創傷或者病症——起碼唔好超過一星期
2/ 創傷或者病症係生命悠關——通常行到入黎急症室既人衰極有限
3/ 或者其他情況有醫生覺得你係急症寫紙轉介你黎睇或者入院

急症室既Accident & emergency就係咁解
醫院分流就係評估番你個情況有幾「危及生命」
如果救遲D會死既就梗係會快D有醫生睇
好明顯唔睇醫生都唔死得既
就當然係遲D先有醫生睇

如果急症室完全係先到先得
咁後黎既急症要搓要比藥既就死梗啦係咪先
不過如果你覺得自己既情況差左
咁就有需要快D比人評估番係唔係有需要排早D

依D情況你可以去番分流站D姑娘比佢睇番
如果你度到D血壓呀其他徵狀
係真係話到比人聽你既情況差左
就會快D安排到醫生睇

當然我地係包括Accident依樣野既
如果真係好不幸咁受左傷
咬柴又好仆崩牙又好界親流晒血依D
我地通常都來者不拒

不過都係會依番個程度有幾危及生命排隊睇
有D比人淋鏹水彈到眼搞遲D會殘廢就會快D搞左先
斷骨又可能遲丁咁多
界傷左爆晒血但如果止左血
就會睇番係傷左邊度緊唔緊要
如果唔係好緊要都可能要等番一段時間先有得聯針
（係啦，之唔係有D人拖住條隊連聯針都要人等咁耐）

最後就係有D人好鐘意睇完醫生
未食晒藥覺得冇咩好到
就走黎睇急症或者轉醫生
睇一個病一個星期轉四五個醫生
咁其實係最唔啱既
藥都未食晒想好左幾多先
就算係真係唔好甚至係差左
都應該睇番同一個醫生係咩事先

能夠第一時間救治病人.因為醫院有齊所有醫療設備,給予突發危險時能夠救到生命危急存亡的人.你只是小頭痛,跟本無需要!

急症意義系發生意外事件時,能夠第一時間救治病人.因為醫院有齊所有醫療設備,給予突發危險時能夠救到生命危急存亡的人.你只是小頭痛,跟本無需要!你的疾病唔會引發死亡,又無失血情況,而且診所又會應診,問題又唔嚴重,希望你善用資源!

都係呀!! 因為一來要等好耐, 二來會左住後面真正急症的病人,所以都係看診所好了...