大家俾d意見我,好急..

[email protected] my msn..add me chat

開頭冇留意你個名,仲以為你係女仔,因你形容到自己啲行為好似貼身膏藥,直至睇到你話送花先知原來你是男的,失覺哂......

你係咪未過23歲?知道多啲你哋嘅資料有助替你諗得詳細啲,例如你哋發展到咩階段、之前有冇鬧分手......等等。

咁而家就你所形容,我身為一個女仔,我都唔鐘意男友管得自己太緊,佢係咪唔多管你㗎?所以你感受唔到嗰種不安。你嘅意思係咪話佢提出想大家冷靜吓之後你仲"用133 or公司電話"揾佢呀?係嘅話就真係唔係太好喇,都睇得出你好care佢,但既然個女仔想要冷靜期,你暫時應尊重佢,懂得聆聽响兩性關係中好重要,如果你表達完自己意欲但對方聽唔入耳,仲做的相反行為,你都唔鐘意啦,係咪?

你亦無須太憂慮,既然佢月頭有mid term exam,可能佢真係想集中精神溫書呢,況且都仲有 1 星期啫,你好應耐心等下。如果成日打俾佢又真係幾纏繞嘅~

如你仍想响呢星期入面關心佢,又驚煩親佢,send SMS 啦,但咪再check住佢,check佢嘅字眼應隻字不提,而只講啲鼓勵說話,舒媛吓佢溫書壓力。例如:"加油啊!!我會耐心等待你考取好成績~"、"唔好温書温得太夜捱壞身體呀!"等等關懷字句都可減卻你嘅孩子氣,做男仔應該成熟一點點,有時就係嗰一點點,人地就會對你改觀喇!

你女朋友讀ive,即係十零廿歲啦,咁你大佢幾多?如3-4年以上還好,但如果同年或你細過佢咁你更要學識成熟啲,因同年紀嘅女仔心智係比男仔成熟㗎~

11 月 9 日梗唔應該即刻去接佢放工同啦,咁只會令佢更加覺得你逼得太緊,你應該先send SMS 或打電話俾佢,我覺得SMS 會比電話更好,因無須直接對話,少咗份壓迫感。咁你可先試吓佢有咩回應,你可以send 啲佢好鐘意嘅歌名/歌詞,加上你內心剖白俾佢,例如:"等了你兩星期,不知你感覺好些沒有?如沒有,我願繼續等下去,等到永遠幾遠我都願等,只求等到你的回覆,那怕結果是失落,都不想再令你不快......"

以上我只係隨便舉例,如內容加入你哋難忘嘅回憶當然更好,女仔好 buy 長情同有記性㗎~~但只可以記住佢嘅優點喎!如果佢都在乎你嘅,自然有所表示,但如果佢仍避你嘅話,我哋又要諗第二個way喇~

送佢鐘意嘅叮噹唔係唔好,但除此之外可以再特別啲囉,例如有含意嘅CD,DVD之類,以前一齊經歷過嘅嘢可以call back佢同你响呢 7 個月入面嘅memories~~

之前講漏咗,你唔介意老土嘅,可以响 8-9 號寫信俾佢,香港 1 日就收到啦,內容如上,代替打電話同 SMS ,既令佢有驚喜,佢唔會估到你咁有耐性,又浪漫,應該會對你改觀,唔記得提你,如打電話, 9 or 10 號先好打,
SMS 限期前唔好多於 2 次,寄信就如上所說,最忌心急,明未?

送花都係嗰句,唔係唔好但nothing special,不如改送啲佢特別鐘愛嘅嘢,例如佢鐘意嘅品牌嘅限量版product,卡通人物都要限量版,佢鐘意食咩牌子朱古力?最好係佢以前不經意提過而你又未送嘅小禮物,貴精不貴多

最後想補充,亦係main point,如果佢鐘意你,你只要表示到自己誠意就
ok,但如果佢對你已冇 feel ,好難挽回,女人係好絕情㗎~~Sorry咁講唔係想 hurt 到你,但呢個係事實,有時學懂放開都係一件好事,有朝一日望返轉頭,你可能會覺得今日所作所為好傻,一切,都會過去~~

响呢度問嚟答去都唔係辦法,你有 facebook account 嘛?可以直接啲再傾吖,你想就留啲 info 响"意見"度,我再 reply,ok?good luck~~
I hope that I can help u so^v^

你系男仔定系女仔?
如果你系男仔,就可以試下按她意思做,2個星期唔好聯絡,到時就去接放工,送卡送公仔送花,乜都得.
但系如果你系女仔,對方系男仔的話,你忍2個星期囉,真系唔好理他,到期都好,都系唔好主動揾他,等他主動揾返你,如果他唔揾你,你都知咩事啦,亦都無謂糾纏啦.